අනේ මේ…. ! වඩිවේල් අන්කල්….!

ගොන් පාට් දාන්න එපා අන්කල්…!…භූමිතෙල් කෑන් දෙකක් අරන් පාර්ලිමේන්තුවට ඇතුලු වෙනකොට අන්කල් දන්නවා අන්කල්ට ගිනි තියාගන්න තියා චේම්බර් එක අහළකටවත් ඕක අරගෙන යන්න ලැබෙන්නෙ නෑ කියන එක…..ඒක ඩොම්බ ෂුවර් නිසා තමයි සිංහ පුරුසයා සේ භූමිතෙල් කෑන් දෙක දොක්කගෙන දොරෙන් ඇතුල් වෙන්න හැදුවෙ….බැරිවෙලාවත් ඔය පාර්ලිමේන්තු පොලිස් ආරක්ෂකයින් දෙපැත්තට වෙලා, පාර්ලිමේන්තුවේ අනිත් මන්ත්‍රී ගොල්ල, සේවක සේවිකාවනුත් ඈත් වෙලා “හා එහෙනන් ගිනි තියා ගන්න!” කිව්වා නම් අන්කල්ගෙ සරම කහපාට වෙන හැටි බලාගන්න තිබ්බා….නිකන් මාර වැඩද අන්කල් මේවා?….හිතුවද තමිල්නාඩුවෙ ගොබ්බ ගොජබි චිත්‍රපටියක රඟපානවා කියලා….අර රැජිණි කාන්ත් වගේ නූගත් ගොන් හරකුන්ට ආතල් දෙන ගොබිලෙක් සරම නමාගෙන “ඩිංග ඩකට, ඩිංග ඩකට” සද්දෙ බැක්ග්‍රවුන්ඩ් එකෙන් එද්දි කරණම් ගහනකොට ගැලරියෙ ඉන්න උණහපුළුවො වකුගඩු විකුණලා ටිකට් අරන් ගිහින් ඌට විසිල් ගහනවා වගේ අන්කල්ටත් දිය සීරාවට විසිල් පාර වදියි කියලා හිතුවද?….

නිකන් එම්.ජී.ආර් වගේ රැවුල වවලා, ඇහි බැම උස් පහත් කරලා භූමිතෙල් කෑන් දෙක අරගෙන එනකොට මිනිස්සු “අඩි අයියර්, අඩි” කිය කිය හුරේ දායි කියලා හිතුවද?….

සිරාවට වතුකරේ ජනතාවගේ බුද්ධිය ඔය හැටියට හෑල්ලු කරන්න එපා අන්කල්…!..තමුසෙ ඒ මිනිස්සුන්ගෙ නියෝජිතයෙක් කියනවා නේද…?….ඒ මිනිස්සු දැන් වේගෙන් අධ්‍යාපනය ලබාගෙන ඉදිරියට එන මිනිස්සු….ඉස්සර වගේ තොණ්ඩමන් ගොබිලට, බොලාට ඒ මිනිස්සුන්ව බුරුතු පිටින් අන්දලා, ඒ මිනිස්සුන්ගෙ ඡන්දෙ වෙන්දේසියෙ දාන්න බැරි උනාම මේ වගේ ගොන් පාට් දාන්නේ තමුසේ හිතුවද ඕයි උන් රෙද්ද කපලා මහලා ඇඳගෙන “ලස්සනද? ” කියලත් අහයි කියලා….?…පාරේ යන ගමන් ජනේලයක් අස්සෙන් වත් ටී.වී එකක් බලපු, කාණුවෙ ගහගෙන යන පත්තර කෑල්ලක් හරි කියවපු ඕන පොඩි එකෙක් දන්නවා අන්කල් අන්කල්ලා කරන්නෙ මේ තනිකර අමු ප්‍රෝඪාවක් කියලා….තමුසෙලා තමයි අන්කල් ඒ මිනිස්සු අද ඉන්න තත්වෙට වගකියන්න ඕන…පෙරියදොරේලගේ දේශපාලුවො එක්ක ඩීල් දාගෙන උන්ට ඒ මිනිස්සුන්ගෙ කතිරෙ වෙන්දේසි කර කර මැද කඳුකරේට රජ කම් කරපු එක තමයි අන්කල්ලා කරපු එකම දේ…..සිරාවට අන්කල්, අන්කල් වගේ සැන්ඩෝ කෙනෙක් එන්නම උනා මේ වගේ ලෝක ඉතිහාස ගත වෙන ගොන් පාට් එකක් දාන්න…..!….පාර්ලිමේන්තුවකට ඇවිත් ගිනි තියාගන්න හදපු එකම මන්ත්‍රී අන්කල් වෙන්න ඇති අන්කල්…!…අම්මපා මම හිටියා නම් ගිනි තියාගන්න අවශ්‍ය පහසුකම් සලසලා දෙනවා…..පාර්ලිමේන්තු සභා ගර්භෙක ගිනි තියාගත්තු එකම මන්ත්‍රී අපේ රටෙන් බිහිවුණා කිව්වම මොන තරම් ආඩම්බරයක්ද අන්කල්….අපිට එදයින් පස්සෙ රෙදි එහෙමත් ඕන් නෑ….හුළං වැදි වැදි යන්න පුලුහන්…..

ඔය වගේ වීරප්පන් පාට් අපේ කැම්පස් කොල්ලො කෙල්ලොත් දානවා අන්කල්….උන් කොළඹ ඇවිත් පාරවල් හරස් කරගෙන වාඩිවෙනවා… ඇහුවාම කියන්නෙ අපිල ඇත්තන්නේ නිදහස් අධ්‍යාපන පොජ්ජ පටාරින්න හුරාලා සූජානම් වෙන හින්දා වංගදි ඒක ආරක්ෂා කොරන්ඩ කියලා….ශ්‍රී විස්නු දෙයි හාමුදුරුවන් පල්ල අන්කල්, උන් ඔය පාරෙ ඉඳගන්නෙ මේ අපේ නිදහස් අධ්‍යාපනේ වෙනුවෙන්මයි….ආයෙ උන් හුලිජ්ජ බාන්ඩ දොට්ට පිළට යනකොටත් හිතන්නෙ මේ ඇත්තන්නේ කැකුළන්ට, කැකුළියන්ට නිදහස් අජ්ජාපනේ මන්දො කරලා තියන්නෙ කොහොමද කියලමයි….

කොටින්ම කිව්වොත් උන් හැමිනෙන්න අකුළක් අස්සට රිංගුවත් ඒ වැඩේ කරන ගමන් කම්පනා කරන්නෙ නිදහස් අධ්‍යාපනේ ආරක්සා කරන්න මගෙන් ඉටුවිය යුතු යුතුකම් මොනවද කියල…..කොටිම්ම කිව්වොත් උන්ට සුරතාන්තෙදිත් කෑ ගැස්සෙන්නෙ “නිදහස් අජ්ජාපනේ…ඒ…ඒ….ඒ..” කියලා….ඔව් අන්කල්…!…අපි ඕවා විස්සාස කරනවා…..!…ඒ විස්සාස කොරලා මේ ඉන්නෙ…..!

ඇයි අන්කල් අපේ දොස්තර හපුවො ටික….?…උනුත් දීප වියාප්ත වැඩ වර්ජන කොරන්නෙ අපිට මේ ලැබිලා තියෙන සොඳුරු සෞඛ්‍ය සේවයේ නිර්මල භාවය කිළිටි වෙලා, අපිව අඳුරු අගාධයකට වැටෙන එකෙන් බේරගන්න හොඳේ….?….අපිත් ඒක එහෙම වෙනවට හරි බයයි අන්කල්….!…මොකද අපි ලෙඩක් දුකක් වෙලා ඉස්පිරිතාලෙකට යනකොට මුන් අපිව පිළිගන්න විදිය මතක් වෙලා හඳුන්පොත කී ගානවා….ඔන්න මුලින්ම ගේට්ටුව හරියෙ ඉඳල සික්කො අපිට පාවඩ එළනවා…..!…ඊට පස්සෙ මිසියො ටික කළගෙඩි නැටුම් නටනවා….ඇටැන්ඩංලා තමයි වෙස් නැටුම නටන්නෙ….ඩොක්කු පන්තේරු නැටුම…!….අන්තිමට බෙහෙත් කළවම් කරන බුවා තමයි කස්තිරම් අල්ලන්නෙ…!…ඔය විදියට අපිව ඇතුළට එක්කං ගියාම ප්‍රිය වචනමයි අහන්න ලැබෙන්නෙ….!…” මේ පළතුරු කන්න….මේ පැන් බොන්න….අසුන් ගන්න”….හරියට අර සත්තිගුම්භ ජාතකේ තපෝ වනයට වැටුණු ගිරවා වගෙ……!…දොස්තර හපුවලාගේ පපු කැවුතු දාලා යන්නෙ මේ රටේ එහෙව් සුන්දර සෞඛ්‍ය සේවය බඩදරු අම්මලා වැදුම්ගෙයි බෙරිහන් දෙනකොට “කටවහගෙන තටමපිය හු*ති” කියලා ගොරවන තරම් පහත් තැනකට කවද හරි වැටුණොත් “මොන දෙයියන්ට කියන්නද බොලේ”කියලා…..කොටිම්ම කිව්වොත් උන්නැහේලා දිවා රෑ බය සන්නියෙන් පෙළෙන්නෙ කවදා හරි මේ රටේ නිර්මල සෞඛ්‍ය සේවය, චැනල් එකට එන ලෙඩ්ඩුන්ට රුපියල් දෙකේ පෙත්ත රුපියල් අසූවට ලිවීම වෙනුවෙන් මෙඩිකල් රෙප් වේසිගෙ පුතාලා ඩොක්කුන්ව තායිලන්තෙ ගෙනිහින් බඩු ගස්සන තැනට පිරිහෙයිදෝ, පිරිහෙයිදෝ කියලා…..ඒක නිසා අන්කල්, උන්නැහේලා ජනවාරි මාසෙ කොරන ඕනම ඉස්ටැයික් එකකට අපි පූර්ණ ශාය දෙනවා ඈ….?..

ඊළඟ පාර ගිනි තියාගන්න යනකොට අන්කල් මතක ඇතුව ඕකෙ ඉන්න අනිත් එවුන්වත් එකට බදාගෙන ගිනි තියාගන්න ප්ලීස්…!….එතකොට අපි අන්කල්ට බුදුන් දැක නිවන් දකින්න පින් අනුමෝදන් කරඤ්ඤං….!…මේ සැන්ඩෝ පාට් දිගටම දාන්න අන්කල්…..බලන් ඉන්න හරි ආශික්…!…

Advertisements

2016 වසර සඳහා අයවැය….

ඔන්න මනමාලියක් අන්දන්න සැලෝන් එකේ උන් එනවා…මේ සැලෝන් එකේ උන් ගැන කියන්නෙ මුන් තමයිලු රටේ ඉන්න සිරාම මනාලියන් හැඩගන්වන්නෝ….උන් ඇන්දුවාම අරහෙමලු…මෙහෙමලු…ඕනම වැඳිරියෙක් පැය දෙකෙන් ඌර්වෂී දෙවඟන කරනවලු…ඕක තමයි උන්ට තියෙන රෙස්පා එක…

දැන් මනමාලිව එළියට ගේන්න කළින් හෝටල් කාමරේ තියන් අන්දනවා….මේකප් දාලා, ඔසරිය අන්දලා, මාල හත දාලා, කොණ්ඩෙ දාලා, අරක උලලා, මේක උලලා හදනවා….ඊට පස්සෙ ඔන්න මල් රීත් එකක් එහෙම අතට දීලා, හිනාව දම්මලා එළියට ගේනවා…

මංගල සභාවෙ එකෙක් කියනවා “ඉකේ යකෝ ! කොණ්ඩ මෝස්තරේ අප්සෙට්” .. අන්දපු සැලුන් කාරයො ටික අන්දොස් වෙලා ආයෙ බලනවා මනමාලි දිහා…දැන් බැලුවාම ඒ කථාව ඇත්ත, ඇත්ත වගේ….මුන් ආයෙ මනමාළිව කාමරේට ගෙනිහින් මෝස්තරේ අයින් කරලා කොණ්ඩෙ කඩලා දාලා ගේනවා….

“මාළ හත චාටර් ඕයි” තව එකෙක් කියනවා – ගෙනිච්චා ඇතුළට, ගැලෙව්වා මාළ 7…

“අතට දාපු එක චාටර් ඕයි” – ගෙනිච්චා ඇතුළට, ගැලෙව්වා ඒක….

“ඔසරිය චාටර් ඕයි” – ගෙනිච්චා ඇතුළට, ගැලෙව්වා ඔසරිය….

“යට සායයි හැට්ටෙයි අවුල් ඕයි” – ගෙනිච්චා ඇතුලට, ගැලෙව්වා සායයි හැට්ටෙයි…

“බ්‍රා එකයි, ජංගියයි කැතයි ඕයි” – ගෙනිච්චා ඇතුළට, ගැලෙව්වා බ්‍රා එකයි ජංගියයි….

ඊළඟට මනමාලිව හෙලුවෙන් ගේනවා මල් රීත් එකෙන් විලි වහගෙන….දැන් කස්ටිය පළාත හෙල්ලෙන්න හූව දෙනවා…මනමාළිගෙ පවුලෙ උන්ටයි, අන්දපු උන්ටයි ගාණක් නෑ… කෙළින්ම නග්ගනවා පෝරුවට….

“මල් රීත් එකත් අවුල් ඕයි….”

අනේ තොපිලෑ සිංහ ලේ ….

පැයෙන් පැය එක බැගින් පරවෙන කිරි සුවඳ ඇති මල් කැ ලේ…..
එම දමෙන් ගත් මල් දමා යති කසල බඳුනෙහි කඩ පි ලේ….
ගුරුන්ටත් නිති අකුරු වරදිති රති නොවරදින පාසැ ලේ….
සමත් කම් මොනවාට කියමුද අනේ තොපිලෑ සිංහ ලේ…..

මවක දුවකට මගක යන්නට නොකැප ගිණියම් දහව ලේ….
රැයද උදයද ළපටි මහළුද වැදුව මවුනද නොම බැ ලේ……
යටව තැන තැන තරුණ කම ඇත එකට වැළලී මිනි ව ලේ….
සුවය සහනය කුමට කියමුද අනේ තොපිලෑ සිංහ ලේ…..

බුදුන් දම් තෙරුවණම විකිණෙති අකැප කැප වුණු පන්ස ලේ…..
දුකම දෙවියන් අහර කර ගති පල්ලි, දෙවොලේ, කෝවි ලේ….
ගතට පණ ඇති, හිතට පණ නැති නොමළ හොල්මන් තිප්ප ලේ…..
අහා ඇති තෙද කුමට කියමුද අනේ තොපිලෑ සිංහ ලේ….

ගෙදර බුදු පිඬු සිඟා යනවිට පෙන්නමින් බොර තෙල් බ ලේ….
මරණ, කෙළෙසන, යකඩ ඇණ යන, කඳින් වෙන් කළ ඉහ මො ළේ….
මැදක පෙරදිග පයක කඳුළක තවරමින මෙහෙකම් ක ළේ…
එවන මසු ලෝ දියෙහි දිය වෙන අනේ තොපිලෑ සිංහ ලේ…..

උපන් බිම දුක ගැහැට මග හැර විඳින්නට සැප ලෝ ත ලේ….
සපන් සැම දූ පුතුන් පිට වෙති පුදා සිප් සත පා මු ලේ….
එවන් තටු නැති එවුන් සැඟවෙති අතර මග සමුදුරු ජ ලේ….
ඔවුන් එය රූ තිරෙන් පෙන්වති, අනේ තොපිලෑ සිංහ ලේ….

ලෙඩට දුකකට වැඩට ගිය සඳ ඇඟට පැන පුපුරා හැ ළේ…..
මුවඟ අසළින් ගියද කුඩ මැසි වැඩ වරා පෙන්නයි බ ලේ…..
අයද මහ රට කරන සැම සඳ තවරගෙන ඇත හත් ප ලේ ….
අයද නොදකිං වැයද නොදකිං අනේ තොපිලෑ සිංහ ලේ…..

අරුණ හිමිදිරියේ පටන් පර සුද්දාට බැණ බැණ බො ලේ…..
කරන සැම කාරියට සරණයි උන් තැනූ විදු නැණ බ ලේ…..
පරණ පරපුර ඉතිරි කළ දෙය සිහිව ඇඳිවත බිම හැ ලේ……
මැරුණ ඊයේ මිස අදක් නැති, අනේ තොපිලෑ සිංහ ලේ…..

අලස තිරිසන් සතෙකුගේ සටහන් තිබෙයි ජානය වි ලේ…
විලස උහු හැසිරෙනු විනා මිනිසත් කමින් කිම ඇති ප ලේ…..
මෙලෙස කියමුද සතෙකු අත ආදිතම මවු නිරුවත් ක ලේ…..
පලස විල්ලුද පිටට කුස ගිය, අනේ තොපිලෑ සිංහ ලේ…..

පැත්ත බැලුවොත් පැත්ත පමණයි ඇත්ත පොළවට යට ක ලේ…

කැත්ත පොල්ලම දිනනු මිස නැත දත්ත විමසන සිහි මො ළේ….

සත්තකයි රෙදි කරට අරගෙන රැකිය යුතුමය සැම කළේ…..

වත්ත බද්දට ඇස්ස ඇපවුණු අනේ තොපිලෑ සිංහ ලේ….

සවුදිය……….

සවුදිය කියන මූසල ගුබ්බෑයමේ දුප්පත් ගෑණු කෙනෙකුට ගල් ගහන්න නියම වෙලා….ඒ මනුස්සයගෙ නම ගම වාසගම, පදිංචි ලිපිනය (ලංකාවේ) දන්නව උනාට ඒවා කියන්න යන්නෙ නෑ, මොකද ඒක ඒ මනුස්සයට කරන අතිරේක පීඩාවක් විතරයි….

මැදපෙරදිග ඉතා පොහොසත් මටසිළුටු ශිෂ්ඨාචාරයන් තිබුණා….මිනිස් වර්ගයාගේ කලාව, සාහිත්‍ය, විද්‍යාව, ගණිතය, තාක්ෂණය යන සියළු ක්ෂේත්‍රයන්ට අනගිභවනීය මෙහෙවරක් කරපු ඇසිරියානු, බැබිලෝනියානු, සහ පර්සියානු ශිෂ්ඨාචාරයන් පැවතියෙත් ඔය අද අපි “මැද පෙරදිග” කියලා හඳුන්වනු ලබන කළාපයේම තමයි…ඒ ශිෂ්ඨාචාර පැවතියේ මැද පෙරදිග උනත් ජලය තිබෙන, සම්පත් තිබෙන සරුසාරවත් රටවල…ඒවා අමු සුදුවැලි කාන්තාර නෙමෙයි….කාන්තාර සහිත ප්‍රදේශ තිබුණත්, නිල් කැටේට වතුර බහින විශාල ගංගා ( යුප්‍රටීස්, ටයිග්‍රීස්, මේ ගංගා දෙක මුහුවෙලා හැදෙන අර්වාන්දු රුද් හෙවත් ෂාද් අල් අරාබ් නම් සුවිශාල ගංගාව ), ඇළ දොළ, නිල් කඳු සහිත මිටියාවත් වලින් මේ ශිෂ්ඨාචාරයන් පැවති භූමිය සමන්විතයි…කන්නෙයි, බොන්නෙයි, රෙන්නෙයි, හැමිනෙන්නෙයි කොහොමද කියලා දහ අතේ කල්පනා කරනවට වඩා දියුණු, සුමට දේවල් කරන්න අවශ්‍ය පාරිසරික සහනය සහ අවකාශය ඒ අයට තිබුණා…සැනසිල්ලෙ ඉන්න මිනිස්සුන්ගෙන් තමයි සංකීර්ණ ප්‍රබල නිර්මාණ බිහිවෙන්නෙ…

මේ රටවල තත්වය එහෙම උනාට මේ වර්ථමාන සවුදි අරාබිය කියන මූසල රටේ ඓතිහාසික ශිෂ්ඨාචාර බිහිවීමේ පසුබිම් කථාව මේ වගේ නෙමෙයි…

සවුදිය කියන කාළකණ්නි ගුහාවේ පීතෘ ශිෂ්ඨාචාරය හැදුණේ ඉර ගින්නේ තැම්බෙන කාන්තාර වල අන්තිම දුෂ්කර ශාපලත් ජීවිත ගෙවපු ගෝත්‍ර ගණනාවක් එකතුවෙලා….ඒ ගෝත්‍ර ආන්තික පාරිසරික තත්වයන් සහ සීමිත සම්පත් උදෙසා ඔවුනොවුන් අතර ඇති කරගත් යුද ගැටුම්, සිවිල් අරගල සහ වඩා බලවත් ශිෂ්ඨාචාර වලින් පැමිණි ආක්‍රමණ නිසා පරිපීඩිත වෙලා හිටියෙ….ඔවුන්ගෙන් අති බහුතරය අන්තිම නූගතුන්…යම්තම් හරි සාක්ෂරතාවයක් සහිත වූ අය එක්කෝ අක්ෂර වින්‍යාසය දියුණු කරන, සාහිත්‍යයක් යම් පමණකින් හෝ බිහිකරන, යම් තාක් දුරකට දර්ශණයකට රුකුළ් දෙන පඬිවරුන් වුනා…මේ පඬිවරු සමකාළීන භාරතය සහ චීනය බිහිකළ පඬිවරුන්ගේ චින්තනය සමග සසඳන විට හාල්මැස්සෝ උනාට, මේ කළාපයට මහා පුරුෂයන් ලෙස පෙණුනා….ගස් නැති රටේ තුත්තිරි ගහත් ගහක් නෙ..ලියන්න කියන්න නොදන්න තැන්වල පත්තරේ හ්ඩිම කියවගන්න පුළුවන් කෙනාත් දළ පොරක්….

මේ විදියට සාක්ෂරතාවයක් තිබුණු වෙනත් අය වෙළෙන්දො බවට පත් වුනා….ආන්තික ලෙස පීඩාකාරි සීමිත සම්පත් පරිසරයන් වල ජීවත් වෙනකොට රුකුම් අනුපාතිකය / උත්වන / ප්‍රවර්තන අනුපාතිකය (Survival Rate) ඉහළ මට්ටමක පවත්වා ගැනීමට නම් ඉතාම සූක්ෂම සහ ඉතාම කපටි කෛරාටික විය යුතුයි…ඉතින් මේක මේ ගෝත්‍ර වල අයට සහජයෙන් කාළානුරූපීව පරිණාමයෙන් ලැබුණු දෙයක්….මේ වෙළෙන්දෝ සාක්ෂරතාවය ලැබීමෙන් පසුව ගණිතය සහ වෙළඳාම ඉගෙන ගෙන, සහජයෙන් ලැබෙන කපටි කම සහ ප්‍රයෝග ශූරත්වයත් ඒ වෙළඳාමට මුසු කරලා, ක්‍රමයෙන් ධනවතුන් බවට පත්වුනා…ධනය ලැබුණාම ඊළඟට ඕන බලය….ඒ නිසා ධනවත් වෙළෙන්දෝ බලය ලබාගන්න විවිධ බළ ව්‍යාපෘතීන් වල නිරත වුනා…මේ කාන්තාරවල කූඩාරම් ගහගෙන තැන, තැන යන, ලෝකය දැක නැති, දැනීමක් නැති මොට්ට මෝලුන් මේ බළ ව්‍යාපෘතීන් වල ඉත්තො බවට පත් කරගෙන මේ අය මිනි මරා ගත්තා….අවසානයේදී අර ඉහත කී ඒවාට අමතරව මේ මිනිස්සුන්ට සාහසිකත්වය ජානගත වුනා…ඒවා ඇසුරෙන් මේ අයගේ සම්මුතීන්, ශිෂ්ඨාචාරය, සංස්කෘතිය නිර්මාණය වුනා….

සංකීර්ණ ඉතිහාසයක් ගොඩ නොනැඟුණු මේ කළාපයේ මොකක් හරි ඔටු බෙට්ටකට, නැත්තන් වතුර බාල්දියකට කාළකණ්නි රැහැවල් දෙක තුනක තක්කඩි මිනි මරා ගත්තාම ඒවා නිකන් මාර දේවල්, මහා දේවල් විදියට ඉතිහාස ගත වුනා….ඒ නැතුව දේශපාලන අර්ථ ශාස්ත්‍ර මත රාජ්‍ය පාලනය කරපු, අර්ථ විග්‍රහයන් හරහා බිහිවුණු ක්ෂේත්‍ර ගණනාවක පැතිරුණු බළ ව්‍යාපෘති නෙමෙයි මේවයේ තිබුණේ….

ඕක තමයි සවුදි අරාබිය කියන ගුබ්බෑයමේ උප්පත්ති කථාව…ඉවසීම, කරුණාව, ආදරය, මෛත්‍රිය වගේම ලස්සන සියළු දේත් මුන්ට වහකදුරු තමයි…”හිඩුවෙ බලෙයි, කඩුවෙ බලෙයි” තමයි ඉතින් දන්නෙ…ඕකට සල්ලි බලෙත් ආවාම ඉතින් නරකාදියක් තමයි….නරකාදියට පිටින් ගිහින් බලන අයට ඒකෙ විඳින දුක් දැකලා ඇඟ කිළිපොලා ගියාට, නරකාදියෙ උපදින නිරි සත්තුන්ට ඕකෙ ගාණක් නෑනේ….

ඔහොම ශතවර්ෂ ගණනක් යනකොට මිනිස් වර්ගයා බොර තෙල් ශිෂ්ඨාචාරය බිහිකළා…ඊට පස්සෙ දැන් ඔය පෙට්‍රෝලියම් හයිඩ්‍රොකාබන බොහෝ විට ජෛව හෙවත් ඉන්ද්‍රිය ද්‍රව්‍ය වලින් නෙ නිපදවෙන්නෙ….අවුරුදු මිලියන 300 කට පමණ ඉහතදී පැන්ජියාවෙන් වෙන් වුනු දක්ෂිණ පථයට කිව්වෙ “ගොඩ්වානාලන්තය” කියලා නොවැ….ඔය ගොඩ්වානාලන්තයේ උතුරුදිග සීමාවේ ඔය අද මැද පෙරදිග පර්සියන් ගල්ෆ් කළාපයේ කාන්තාර රටවල් පිහිටන කොටසෙ තිබුණා “ටෙතිස්” මුහුද කියලා මුහුදක්…කාළානුරූපීව මේ මුහුද සිඳී ගොස් ප්‍රධාන මහාද්වීප එකට ගැටෙද්දි බිහිවුණු කාන්තාර කළාපයන් මත තමයි අද ඔය සවුදි අරාබිය, එමිරේටය, ජෝර්දානය, කුවේටය ආදී අපි හඳුන්වන පර්සියන් ගල්ෆ් රාජ්‍යයන් පිහිටා තිබෙන්නෙ…ඉතින් මේ ටෙතිස් මුහුදේ ජෛව ද්‍රව්‍ය සහ රසායනිකයන් රාශියක් මේ වැළි කතරට යටින් භූ ස්ථර අතර ෆොසිලකරණය උනා…විශේෂයෙන්ම ගොඩ්වානාලන්තයේ මහාද්වීපික මායිම සවුදි අරාබිය ආශ්‍රිත නිසා එහි වඩාත් මේ ෆොසිල වර්ග අතින් පොහොසත් කළාපයක් තිබෙනවා….( මෙවැනි බොහෝ කළාප ලොව පුරා තිබුණත්, ඒවායින් බහුතරය තිබෙන්නේ පෙට්‍රෝලියම් කැණීම් කරනු තබා ගවේෂණය කිරීමට පවා අපහසු ගැඹුරු ජල ස්ථරයන් යට….එහෙමත් නැත්නම් ඝණ, උස්, ශිඛර කළාපයන්ට යටින්….නමුත් මේ සවුදි අරාබිය ප්‍රමුඛ මැද පෙරදිග මේ භූ ස්ථරයන්ට ළඟාවී ඛණිජ කැණීම් කරන්න සාපේක්ෂව ඉතාම පහසුයි…ඒ නිසා මිනිසා පෙට්‍රෝලියම් ශිෂ්ඨාචාරය බිහි කිරීමත් සමගම මේ කළාපයට ආශිර්වාදය සහ ශාපය යන දෙකම මුසුවුනු කාළයක් උදා වුනා…..

MiddleEastOilFig_4

ඔයින් පස්සෙ මේ කළාපය සතු භූ විද්‍යාත්මක සහ භෞම දේශපාලනික වැදගත්කම අවබෝධ කරගත්තු ලෝක බලවතුන් මේ කළාපය චෙස් ලෑල්ලක් කරගෙන දැවැන්ත දීර්ඝ කාළීන චෙස් ක්‍රීඩාවක නි‍යැළෙන්න පටන් ගත්තා….එදා මුලින්ම යුරෝපාකරයේ සාම්ප්‍රදායික අධිරාජ්‍යයන් අතර සහ ඉන් අනතුරුව බටහිර බලවේග සහ සෝවියට් සංගමය අතර පැවති මේ චෙස් ක්‍රීඩාවේ නියමු ක්‍රීඩකයන් මේ වනවිට තරමක් දුරට වෙනස් වී සිටිනවා….නමුත් ක්‍රීඩාව එක ලෙසම ඉදිරියට කෙරීගෙන යනවා….මේ ක්‍රීඩාවට ගොදුරු වුනු ප්‍රබල බුද්ධිමත් ශිෂ්ඨාචාරයන්ගෙන් පැවත එන ජනතාව හමුවේ මෙකී බලවතු කලේ වඩා සංකීර්ණ දේශපාලන ක්‍රීඩා ( උදා: බැබිලෝනියාව – ඉරාකය, පර්සියාව – ඉරානය, ඇසිරියන් අධිරාජ්‍යය ආරම්භ වූ කළාපය – සිරියාව / ඉරාකය / ලෙබනනය ) උනත්, මේ පර්සියන් ගල්ෆ් කළාපයේ රටවල ඉන්න වාහෙලාගේ බුද්ධි මට්ටම ඔවුන්ගේ ඉතිහාසයේ ගමන් මග සමඟම දන්න නිසා, චෙස් අදින මහ බලවත්තු මේ කළාපයට අනුගමනය කලේ බොහොම සරල, සිම්පල් ප්ලෑන් එකක්….

ඔටුවයි, කූඩාරමයි, වෙළඳාමයි, ගෑණුයි, කඩුවයි, ඇරෙන්න වෙන කිසි මළදානයක් නොදන්න රැළකට විශාල ධනස්කන්ධයක් ලැබුණාම නිකන් පීල්ලවත්තෙ ජම්බුවාට මහජන සම්පත ඇදුණා වගේ තමයි….පිස්සු කෙළිනවා, කනවා බොනවා, ඉන්ටනැෂනල් බඩු ගහනවා, වියදම් කරනවා, ලොකූවයින් පාටි දානවා…නෙහ්?… මෝඩයින්ට දරා ගන්න බැරි තරම් සල්ලි ලැබුණාම ඔහොම තමයි…සංකීර්ණ ආයෝජන ක්‍රම, ව්‍යාපාර විභවය පරීක්ෂා කිරීම වගේ ඔය ලොකු ලොකු සීන් උන් දන්නෙ නෑ….ලෝක බලවත්තු ටික කලේ මොකක්ද, මේ කළාප වල හිටපු ඔය එක එක ගෝත්‍ර වල ගෝත්‍රික චණ්ඩි පවුල් වලට බලය ගන්න උදව් කරලා, උන්ට හිටු කියලා සල්ලි එක්ක හිතූ පැතූ සම්පත් වැක්කෙරෙන්න සලස්වලා උන් දම්මලා ඒ කළාප වල ජනතාවගේ කටවල් බැඳලා පාලනය කරන ගමන්, තෙල් සම්පත කොල්ල කාගත්තු එක….හරිම සිම්පල් ප්ලෑන් එකක්….

දැන් ඔය සවුදි රජ පවුල, ෂෙයික් අරූ, ෂෙයික් මූ, සුල්තාන් අරූ, සුල්තාන් මූ කියලා ලොකු ලොකු නම්ගම් දාගෙන පොරවල් වගේ ප්‍රයිව්ට් ප්ලේන් වල අහසින් ගියාට, ගෝල්ඩ් ප්ලේට් දාපු රෝල්ස් රොයිස් වල ගියාට ඕකලාගේ සීයලා හිටියේ කාන්තාර ගෝත්‍රික රැහැවල් වල කූඩාරම් අස්සෙ….ඔටුවා තමා එකම සම්පත….මේ වගේ අද මැදපෙරදිග රජකරගෙන ඉන්න එවුන්ගෙ සීයලා, මහප්පලා තමා ඒ ප්‍රාථමික ගෝත්‍ර වලට හිටපු අතපය හයිය හත්ති චණ්ඩි….

ඉතින් මේ නූගත් මොට්ට චණ්ඩින්ට සල්ලි සහ බලය දීලා ලොකු රටවල් ඊළඟට කරේ මුන්ට පෙට්‍රෝලියම් නිෂ්පාදන, අමුතෙල් සහ බොරතෙල් වලින් ගලන සල්ලි ඒ රටවලටම ආපහු ඇදිලා එන ක්‍රමවේදයන් සකස් කරපු එක….

උදා: සවුදි හරකුන්ට තෙල් සල්ලි එනකොට උන් වියදම් කරන්නෙ ඉතාලියෙන්, ප්‍රංශයෙන්, ජර්මනියෙන් කාර් ගෙන්නන්න….බ්‍රිතාන්‍යයෙන් කාර් ගෙන්නන්න…ඇමරිකාවෙන් ගුවන් යානා ගෙන්නන්න….චීනයෙන්, ජපානයෙන්, කොරියාවෙන් තාක්ෂණය සහ විනෝදාස්වාදජනක උපකරණ ගෙන්වන්න…නිකන් කකා ඉන්න තෙල් වාහෙලාට වැඩබැරි නිසා ඉන්දියාවෙන්, චීනයෙන් පුහුණු ශ්‍රමය ගෙන්නන්න….ඉතින් ලෝකයේ බලවත් කාර්මික ශිෂ්ඨාචාරයන් මුන්ගෙ තෙල් වෙනුවෙන් මුන්ට දෙන සල්ලි කන්දරාව හැරෙන තැපෑලෙන් අනිත් පැත්තට උන්ටම ගෙන්න ගන්නවා….උන් දන්නවා මළාට මේ කළාපයේ මෝඩ වාහෙලා මෙලෝ නිෂ්පාදනයක් ලොවෙත් කරන්නෙ නෑ කියන එක… උන් දන්නවා මුන්ට මේ සංකීර්ණ තාක්ෂණික ශිෂ්ඨාචාරයක් ගොඩ නගාගෙන තමන්ගේ නිෂ්පාදනය සහ පුහුණු ශ්‍රමය දියුණු කරගන්නවා කියන එක ලොවෙත් කරන්න බෑ කියන එක….ඒ නිසා උන් මුන්ගෙ රටවල් වල පවුල් කිහිපයක් තෝරගෙන ඒ පවුල් වලට සුරසැප දෙන ගමන් උන් ලව්වා කළාපයේ මහජනතාව පාලනය කරගන්නවා….

දැන් මේ කළාපයේ මිනිස්සු උගත් කමින් සහ බුද්ධියෙන් ඉදිරියට ගියොත්, මානව හිමිකම් ගරු කරන දියුණු නීති රීති සහිත යුගයට ගැළපෙන නීති පද්ධති සකස් කර ගත්තොත්, කාන්තාවන්ට හිතන්න, හැසිරෙන්න නිදහස සහ අයිතිවාසිකම් ලැබුණොත් මොකද වෙන්නෙ?…උන් ඊළඟට තමන්ගෙ දෙපයින් නැගිටින තාක්ෂණික ශිෂ්ඨාචාරයක් හදනවා….හදලා තමන්ගේ නිෂ්පාදනය සහ එයට අවශ්‍ය පුහුණු ශ්‍රමය තම භූමියෙන්ම සපයා ගන්න බලනවා….ප්‍රජාතන්ත්‍රවාදය නිසි පරිදි ඒ රටවල පිහිටෙව්වොත් මිනිස්සු හිතන්න පුරුදු වෙනවා….එහෙම උනොත් එහෙම ඒ කළාපයේ ඇස් බැඳලා කළාපය හොරා කන ලෝක බලවතුන්ට කේස් වෙනවා….ඒ නිසා මෙම කළාපය කිසිදාක පෙරට නොයන බවට වග බලාගැනීම සඳහා දැඩි ආගමික විකෘතියකින් සදහටම ඒ රජ පවුල් හරහා ජනතාවගේ ඇස් වසා තබනවා…මොට්ට මෝල් කාන්තාර ගෝත්‍රිකයන්ගේ ප්‍රාථමික සංස්කෘතික ලක්ෂණ මේ රජ පවුල්, ෂෙයික්වරු, සුල්තාන් වරු හරහා රාජ්‍ය නීති බවට පත් කරලා ඒවායින් මේ ජනතාවන් සදහටම 14 වැනි සියවසේ සිරකරුවන් කර තබනවා….ඒක කිසිදාක වෙනස් නොවෙන බවට ඔවුන් වගබලා ගන්නවා….වෙනස් වේගෙන ආවොත් විවිධ බහුභූත බලවේග නිර්මාණය කරලා ඒ වෙනස පීළි පන්නනවා…..

ඕක තමයි සවුදි අරාබිය කියන අමන ගුබ්බෑයම තවම 14 වැනි සියවසේ පවතින හේතුව…..

මේ රටවල රජ පවුල් ආරක්ෂා කරන ලෝක බලවතුන් තම මිලිටරි බලය ඒ ඒ රටවල උපාය මාර්ගිකව ස්ථාන ගත කරලා තියෙනවා….ඒ මිලිටරි බලය සහ ඒ රටවල් දෙන දියුණු ආයුධ සමග එකී රජදරුවන් ගොඩනගාගෙන සිටින ස්වදේශික ආගමික පොලීසි සහ ආගමික හමුදා ව්‍යුහයන් වල මිලිටරි බලය අබිබවා යෑමේ ශක්තිය, බුද්ධිය හෝ ශක්‍යතාවය මේ ජනතාවන් සතුව නැහැ….ඔවුන් ආගම මගින් අන්ධ කර, නිර්වින්දනය කරනු ලැබ කීකරුව සිටිනවා….අනෙක ඔවුන්ට තම රජදරුවන්ගේ පවුල් සතු බලය අබිබවා යන්නට ගරිල්ලා ආදි සටන් කරන්නට සුදුසු පරිසරයකුත් මේ රටවල නෑ….පැහැදිලිව කිලෝමීටර් ගණන් දුර පෙනෙන, පැතලි කාන්තාර වල මොන ගරිල්ලා සටන්ද?…..ජල මූලාශ්‍ර අන්තිම දරුණු ලෙස සීමිත මරු කතරවල මොන ගරිල්ලා කැරළිද?….

නිදහස් චර්යාවන් තහනම් කර තිබෙන නිසාත්, ඒ තහනම කඩ කරන්නන්ට ලැබෙන දරුණු දඬුවම් නිසාත් වැල්ලේ අඳින ලද ඉරි වලින් එහාට අඩිය තබන්න ඔවුන් බයයි….මේ භීෂණය නිසා බහුතරය නවලෝකය සොයා යන්නේ නෑ….අනික ඔවුන්ගේ දැස් මත පියවිලි පටවන ලද ආගමිකත්වය සහ සාම්ප්‍රදායිකත්වය පරපුරෙන් පරපුරට දුර්දායාදයන් වශයෙන් දෙනු ලබනවා….මේ නිසා මොවුන්ට බුද්ධිය පහළ වීමක් හෝ ශාස්ත්‍රීය පුනරුදයක් පේන තෙක් මානෙක නැහැ…..

ආගම සහ තෙල් සම්පත පවතින තුරු ලැබෙන ධනස්කන්ධය තමයි මේ අයගේ නිර්වින්දකයන් වෙලා තියෙන්නෙ….මේ සිහිනයෙන් ඔවුන් අවදිවන්නේ පෙට්‍රෝලියම් ශිෂ්ඨාචාරය අවසන් වෙලා, වෙනත් ශක්ති ප්‍රභවයකට ගෝලීය ප්‍රවාහනය සහ අනෙකුත් ශක්ති ප්‍රවාහකයන් හුවමාරු වෙන කාළයටයි…එයින් පසුව ඔවුන්ට විශාල සාමාජීය ඛේදවාචකයකට මුහුණ දෙන්න සිදුවෙනවා….මේ තත්වය නිවැරදිව තේරුම් ගත්තේ 1950 තරම් ඈත කාළයේදී දේශපාලනය අත්පොත් තැබූ එක්සත් අරාබි එමීර් රාජ්‍ය එකතුවේ දෙවැනි අග්‍රාමාත්‍ය වරයා බවට පත්වූ “රෂීඩ් බින් සයීඩ් අල් මක්තුම්” කියන දූර දර්ශී නායකයාණන්….එතුමා ඩුබායි, අබුඩාබි, රාස් අල් කයීමා ආදි ප්‍රධාන එමිරේටයන් අනාගතයේ තෙල් සම්පත අවසන් වූ පසුවත් සමෘද්ධිමත්ව රැකෙන සැළසුම් රැසක් ක්‍රියාවේ යෙදවූ ප්‍රාඥයෙක්….

දැන් ඔබ කියාවි අවම වශයෙන් මේවායේ ඉන්න සිටු පවුල් සහ රජ පවුල් ලොව පුරා ආයෝජන කර තිබෙනවා, ඔවුන් ව්‍යාපාර අත්පත් කරගෙන සිටිනවා, ඒ වගෙම මේ ලෝක බලවතුන්ගේ රජයන් සහ නායකයන් මේ අයට බයයි, ඔවුන් ආවාම දෙකට තුනට නැමිලා “Your Majesty, Your Royal Highness, Most Noble Sheikh” කියලා කථා කරනවා, ඒ නිසා මේ අයගේ බලය කවදාවත් ගිලිහෙන්නෙ නෑ නේද කියලා….ඒ සියල්ල ලොව බලවත් ශිෂ්ඨාචාර ඔවුන්ට නිර්මාණය කර දී තිබෙන ෆැන්ටසි….ලෝක බලවතුන් අධ්‍යක්ෂණය කර සවුදිය ප්‍රමුඛ කළාපීය රජුන්ට සහ සිටුන්ට පෙන්වනු ලබන ස්වප්න චිත්‍රපටි….සැබෑ බලය තිබෙන්නේ කොහේද?….මෙය හොඳින් සොයා බලන ලෙස මම ඔබ සැමට ඇරයුම් කරනවා….යම් දිනෙක මොවුන්ගේ කළාපයේ වටිනාකම ගිලිහී යන්නේද, එතැන් සිට එක රැයකින් ඔවුන් ලෝක බලතුලන විෂයෙහි අවලංගු කාසි බවට පත්කොට, ඔවුන්ගේ ශිෂ්ඨාචාරය පිටින්ම කුණු බක්කියට දමන හැටි බලවත් කාර්මික සමාජයන් දන්නවා….ඔවුන්ට එතකල් “තමන් බලවත් බවත්, තම ශිෂ්ඨාචාරය, සංස්කෘතිය සහ සම්මුතීන් බලවත්” බවත් දැනෙන්න ඉඩ හරිනවා….

මිනිස්සු අහනවනෙ සවුදි අරාබිය වගේ අමු ගෝත්‍රික විකාරයක් කොහොමද එක්සත් ජාතින්ගේ මානව හිමිකම් කවුන්සිලයේ පවතින්නෙ කියලා…..ඒකත් ඒ චිත්‍රපටියේ කොටසක්….ප්‍රතිපක්ෂයට පහර දී ඔහු සතු දෙය උදුරා ගන්නවාට වඩා, ප්‍රතිපක්ෂය නිර්වින්දනය කොට ඔහු සතු දෙය උදුරා ගන්න එක පහසුයි…”තමන් ලොවට වටී….තමන් ලොවට වැදගත්ය” කියන හැඟීම කෙනෙකුගේ මනසට ඇතුලු කිරීම තරම් ඔහු හෝ ඇය නිර්වින්දනය කොට විනාශය කරා යවන වෙන පහසු මගක් නැහැ…..

ප්‍රශ්ණ විසඳන්න සාහසිකත්වය සහ ලේ ඉස්සර කරගන්නේ ප්‍රාථමික මිනිස්සු…..කොටින්ම කිව්වොත් වානර හැසිරීම් වලින් තවම නොමිදුණු මිනිස්සු… වඳුරු රංචුවක මොකෙක් හරි එකෙක් වරදක් කළොත් අනෙක් වඳුරො වටවෙලා ඌව මරා දාලා, දත් විලිස්ස විලිස්ස “චකා බුකු, බුකු” ගගා යනවා…වෛරය සහ පළිගැනීම හැර වෙන හැඟීම් තුළින් තමන්ගේ ජයග්‍රහණය ලබන්න නොදියුණු ජීවීන්ගෙ මොළය සහ ස්නායු පද්ධතීන් සැකසිලා නෑ….

පළිගැනීම කියන්නේ බොහෝ විට ක්ෂණික, ක්‍රියාවට සමාන සහ ප්‍රතිවිරුද්ධ ප්‍රතිචාරයක්….වෛරය සහ පළිගැනීම කියන දෙක යම් කෙනෙකුගේ විනිශ්චය තිමිරයකින් වසනු ලබනවා….එයින් පසුව ඔහුගෙන් හෝ ඇයගෙන් සිදුවන කිසිදු ක්‍රියාවක යහපත් අන්ත ඵලයක් නැහැ…..යහපත් නැති අන්ත ඵලයන් රැසක් සහිත ගමන් මාර්ග එකතු වී යම් සංස්කෘතියක් සෑදෙන්නේද, එකී සංස්කෘතියට කවර කළකවත් “සංවර්ධනයක්” නැහැ…..

සමාජ දෘෂ්ඨිය අනුව “වරදක්” ‍යැයි සම්මත ක්‍රියාවක නිරතවූ පුද්ගලයෙකුගේ ලේ දකින්න, එහෙම නැත්නම් මරා දමන්න බුරුතු පිටින් රොක්වෙන එක යම් සමාජයක නීති රීති වල පටන් පවතිනවා නම්, ඒක ඒ සමාජයේ නොදියුණු, ප්‍රාථමික කම හෙවත් වානර කම ප්‍රදර්ශණයක් කිරීමක්…. සවුදි ජනතාව කියන්නෙ මේ වගේ සියවසක අනුකම්පා කළ යුතු පරිද්දෙන් එවැනි වානර ගති පැවතුම් වල සිර කරනු ලැබූ අසරණ මෝඩ ජනතාවක්…..

මැද පෙරදිග වාලුකා කළාපයට කවදාවත් ඉතිහාස සාධාරණයක් කරලා නැහැ….ඒ වගේම ඒ කළාපයට කවදාවත් ශාන්තියක් උදාවෙන්නෙත් නැහැ….එය ශාපලත් කළාපයක්…..අක්‍රමවත්, පහසුවෙන් ලැබෙන ධනය, අධිරාජ්‍ය බලපෑම් සහ නූගත් වනචාරි ඇවතුම් පැවතුම් සදාකල් දුකේ හෙළා ඇති කළාපයක්….මේ සමස්ථ කළාපයට එහි එක කොණක සිට හෝ ශාන්තියක්, ආලෝකයක් ලබාදෙන්න උත්සාහ දැරුවේ එකම එක ශ්‍රේෂ්ඨයෙකු පමණයි….ඔහුටත් අවසානයේ වනචාරීන්ගේ කුමන්ත්‍රණ සහ පාවාදීම් හමුවේ රෝමන් අධිරාජ්‍යයෙන් මැරුම් කන්න සිද්ද උනා….

“කවර කළකවත් පාපයක් නොකළ තැනැත්තේ පළමු ගල අතට ගනිත්ව!” ” යමෙකු දකුණු කම්මුලට පහරක් ගැසුවොත්, ඔවුනට අනෙක් කම්මුලද හරව!” යනාදි අවවාදයන් ඒ උතුම් පුරුෂයා දුන්නෙ මේ කළාපයට ඒවායේ ඇති බරපතළ වැදගත්කම හොඳින්ම දැනගෙනයි…..

ඔහු ඉහත අවවාද දෙක එම කළාපයට දුන්නේ ආවාට ගියාට නෙමෙයි……ඔවුන්ට වගතුවක් වෙන්න නම් ඔවුන් හදා ගත යුතු ප්‍රධානම දෝෂය කුමක්දැයි ඒ මහා පුරුෂයා දැන සිටියා….

ප්‍රතිකාර මුදළට විකිණීම නවතනු !

එතකොට මාලබේ SAITM එක වහන්න කියලා මුන් බෙරිහන් දෙන්නෙ එතන අධ්‍යාපනයේ ප්‍රමිතියක් නැති නිසා නේ?. ඔව් ඕයි ඒකත් ඇත්ත. හදිස්සියෙ වත් මේකෙන් බිහිවෙන ඩොකෙක් අතින් ලෙඩෙක් මැරුණොත් දෙයියනේ මොන දෙයියන්ට කියන්නද? හදිස්සියෙ වත් මේකෙන් බිහිවෙන ඩොකෙක් අතින් කෙල්ලෙක්ගෙ හොඳට තියෙන අතක් කැපුවොත් එහෙම වැරදිලා මොන දෙයියන්ඩ කියන්ඩද? ඒක ලංකා ඉතිහාසයේ ඩොකෙක්ගෙ අත් වැරදීමකින් හෝ නොදැනුවත් කමක් නිසා ලෙඩෙක් මැරුණ පළවෙනි අවස්ථාව වෙනවා නේද කියලා හිතෙනකොට ඇඟේ මයිල් ඉස්මයිල් වෙනවා. අනේ ඉතින් මේ විස්ස විද්යාල සිස්ස ප්‍රජාව අපිව මෙහෙම රැක බලාගන්න ඉන්න කල් අපිට බය වෙන්න නම් දෙයක් නෑ දෙයියෝ ! මොන තරම් විසාල උපද්‍රව අනතුරු වලින්ද මූලා….සමාවෙන්න….මේ උතුම් මිනිස්සු අපිව බේරගන්නෙ ඈ? නිකන් තුන් හිතකවත් තියාගන්න එපා මේ උතුං මිනිස්සු මේ අරගල කරන්නෙ තමන්ගෙ රස්සාව කුළයක් කරගෙන, ඒකට වෙන අය සෙට්වෙන එක නවත්තන්නය, රටේ ඩොක්කු වැඩි වෙනකොට උදේ පාන්ද හතරෙ ඉඳන් මජ්ජම රාත්තිරිය වෙනකල් හිටු කියලා තැන් තැන්වල ලෙඩ්ඩුන්ගෙ හිතේ හැටියට ගාණ කපන්න තියෙන මාකට් එක බෙදිලා යයි කියලා බයට වගේ අවලම් බලු කථා. හොඳේ?

ඇහුවට තරහා වෙන් නැත්තං පුතාලා, මේ රටේ හැම හන්දියකම, කඩ පිළකම, අගු පිළකම ප්‍රයිවට් හොස්පිටල්, මෙඩිකල් සෙන්ටර්, ලේ හුජ්ජා පරීක්සා ස්ථාන එහෙම තියෙනවනෙ පුතේ !.. එව්වයෙ ප්‍රමිතිය බලලා ඒවයේ ප්‍රමිතිය නැති ඒවා වහන්න කියලා පුතාලා පාරට බහින්නෙ කවදෑ? මං නං ඉන්තේරුවෙන්ම දන්නවා අපේ ආරක්සාව ගැන, අපේ සේවාවන් වල ප්‍රමිතිය ගැන රෑද, දවල්ද කියල බලන්නෙ නැතුව, නොකා නොබී, හුලිජ්ජ බාන්ඩ පිළට වත් යාගන්ඩ වෙලාවක් නැතුව කැපවෙලා ඉන්න පුතාලා ළඟදිම ඒ වැඩේටත් අත ගහනවා කියලා. එදාට පුතාලගෙ පාවිච්චියට ගන්න ඕං මේ ආතා දැම්ම තියලා සටන් පාඨ ටිකක් ලියලා තියඤ්ඤං. අපි වෙනුවෙන් මේ තරම් කැප වෙන මේ දරුවන්ට අපට ඇහැක් හැටියෙන් එහෙමවත් උදව්වක් නොකළොත් අපි වගේ කෙළෙහි ගුණයක් නැති අසමජ්ජාති හැත්තක් තවත් ඉන්නවයැ?

“පෞද්ගලික රෝහල් වසා දමා රජයේ රෝහල් ගණන වැඩි කරනු!”

“ප්‍රමිතියකින් තොර ලෙඩුන් මරණ පෞද්ගලික රෝහල් “ප්‍රතිකාර කඩ” වසා දමව්!”

“නවඕක, හාසිරි, හාසිරි සර්ජිකොල්, ඩුර්ඩාන්ස්, නෝසීස්, ලංකා ඔස්පිටාල්ස් (හැපලෝ), ආසා සැන්ට්‍රොල් රජයට පවරා ගනු !”

“නයින් බෙල්ස් වසා දමා මාතෘ වාට්ටු ගණන, සායන ගණන වැඩි කරනු !”

“සෞඛ්‍ය සේවය පෞද්ගලීකරණය නොකරනු !”

“නිදහස් සෞඛ්‍ය සේවය සුරකිනු! සෞඛ්‍ය විකිණීම සඳහා නොවේ!”

“වෛද්‍ය ප්‍රතිකාර මුදළට විකිණීම වහා නවතනු !”

“රුපියල් දෙකේ පෙත්ත රුපියල් අසූවට විකුණන තිරිසන් සමාගම් රෙපාලා පුදන රට සවාරි, තෑගි බෝග, සල්ලි එපා ! සේනක බිබිළේ ඖෂධ ප්‍රතිපත්ති ක්‍රියාවේ යොදවනු !”

පුතාලා ඒ වැඩේට පාරට බහින දාක මේ ආතාවත් සිහි කොරලා මේ හටන් පාඨ වලින් බෝඩ් ලෑලි ලියාගෙන යන්ඩලා. එතකොට මේ ආතාගෙත් ඇහැට කඳුළක් උණයි මේ රටේ නිදහස් සෞඛ්‍ය සේවය සුරකින්න ආතාට පුලුහන් හැටියට සම්මාදම් උනාය කියලා හිටං. ආතා ඩොම්බ සුවර් එකටම දන්නවා මේ මාලබේ SAITM වැඩෙන් පස්සෙ පුතාලා දූලා ඊළඟට බහින්නෙ ඒ වැඩේට කියලා. මයෙ රත්තරං පුතාලා දූලා එකතුවෙලා මේ රටේ අපිට පට්ටම නිදහස්, පට්ටම නොමිළේ, පට්ටම පට පට ආරක්ෂිත සෞඛ්‍ය සේවයක් පිහිටුවනවා කියලා මට සාදු සුවර්! ඒ නිසා මේ ඉල්ලීම් ඉටු කරපියව් කියලා කෑ දෙන්න ආතාත් පාරට බහිනවා ඕං. ඊළඟ පාර පුතාලා දූලා සංවිජානය කොරන්ඩ ඕනෑ නවදිල්ලියෙ ඉඳන් කොළඹට පාගමනක් ! මයෙ වයස බලන් නැතුව මං එනවා උඹලා එක්ක පයින් යන්ඩ! පුලුහන් නම් ඉන්දියාවෙ එව්වත් වහගෙන එමු පුතේ ඔයි ගමන්ම !

ඒ නැතුව මේ පිටකොටුවේ මාළු කඩ බක්කියක ඉටි රෙද්දක් ගහලා දුන්නත්, ඒකෙත් වාඩිවෙලා ලෙඩ්ඩුන්ගෙන් ගාණ කපන්න සූජානම්, මෙඩිකල් රෙපාලා කාමර වලට රිංගලා අත පය මසාජ් කරලා, රට යන්න ටිකට් දික්කරලා උන්ගෙ බේත් ලියන්න කිව්වාම ලියන තැනට මයෙ රත්තරං දූලා පුතාලා නම් කවදාවත් වැටෙන්නෙ නෑ කියලා මං දන්නවා.. මෙඩිකල් රෙපාලා එක එක බීච් හෝටල් වල කෑම දීලා, මාසෙකට ලස්ස පහ හය පිදේණි දික් කොරලා, බැංකොක් එකේ රති ක්‍රීඩා කොරන්ඩ යවලා, කාර් බාර් ගෙදෙට්ට එවලා, පුදන්න හදන අලුගුත්තේරු දැකුම් පෙවුම් වලට මයෙ පුතාලා දූලා නම් අනාගතේ පයිම්ම ගහලා දොට්ට දානවා කියලා මං අලි සුවර් පිට දන්නවා. ඒ වගෙම උඹලා අනාගතේ ඔය එක එක හන්දි හන්දි ගානෙ තියෙන “මැඩිකල් සැන්ටර්, ලේ හුජ්ජා ඉස්තාන, පෞජ්ගලික ඉප්පිරිතාල” වගේ ප්‍රමිතියක් නැති ගුබ්බෑයම් වලින් අව්වට වැටෙන හෙවණැල්ලක් වත් පාගන්නෙ නැති වග මං දන්නවා ! ඒ නැතුව එළදෙනට තණකොළ කන්ඩ තියෙන්න ඕන එක කටයි, ඒ උනාට ගොම්පස් ඇහිඳින්ඩ පුකවල් දෙක තුනකුයි, දොවන්ඩ කිරි බුරුලු හත අටකුයි තියෙන්ඩ ඕන කියලා අසමජ්ජාති විදියට මේ රටේ සවුක්ය සේවෙ ගැන හිතන එවුන් නෙමෙයි මයෙ රත්තරං දූලා පුතාලා…!

උඹලා මේ මාලබේ SAITM එක වැහුවට පස්සෙ පෞද්ගලික ඉප්පිරිතාල ඒවාත් අනිවා ඩෙපා වස්සනවා කියලා මට වැටහෙනවා ආයුබොන්ඩ ! කවදා හරි පෞද්ගලික ඉප්පිරිතාල, “ප්‍රතිකාර කඩ” ආණ්ඩු වහන්නෙ නැතුව අකීකෝරු වෙලා උඹලා ඒකට මාරාන්තික හුපවාසයක් එහෙමත් කළොත් ආතා එනවා උඹලා වෙනුවට උපවාසෙ වාඩිවෙන්ඩ ! උඹලා වගේ උතුං අරමුණු තියෙන එවුන් ජීවත් වෙලා, මේ අපි වාගේ අසමජ්ජාති හැත්ත උපවාසෙන් හරි මැරිලා පලකො ඔන්නොහෙ ! මේ ටික ලියනකොටත් ඇහැට කඳුළු සට සට ගාලා එනවා බොලව් උඹලෑ උතුං ක්‍රියා සිහිවෙලා !

උඹලා අනාගතේ ගන්නෙ ආණ්ඩුවෙන් දෙන පඩිය විතරමයි… මෙඩිකල් රෙපෙක්ගෙ හුළඟවත් වදින ඉසව්වක රඳන්නෙ නැතුවා… සියේට සීයක් නොමිළේ ප්‍රමිතිගත ප්‍රතිකාර දෙන්න කැප වෙනවා වෙනවාමයි! ඉර හඳ පල්ලා, පොළෝ මහී කාන්තාව පල්ල, උඹලෑ අර හැරමිට්ටෙ එතිච්ච සර්පයා පල්ලා, හිපොක්‍රටිස්ගෙ අම්මා පල්ලා ඒක නම් සත්තම සත්තයි !

ප්‍රංශ කොඩිය……

ප්‍රංශයේ පැරිස් නුවරට එල්ල වූ ම්ලේච්ඡ ත්‍රස්ත ප්‍රහාරයේ වගකීම අයිසිස් මිනීමරුවන් විසින් බාරගෙන තිබේ….ඒ ප්‍රහාරය මනුෂ්‍යත්වය අගය කරන සියල්ලෝම විසින් හෙළා දැකිය යුතු, තුච්ඡ, නිවට, බියගුළු ක්‍රියාවකි….යුද්දයෙන් පරිපීඩිතව එයින් පලා යන තමන්ගේ ආගමම අදහන ජනතාවකට සරණක්, සෙවනක් ලබා දීමට තරම් කාරුණික වූ ජන සමාජයකට ඒ සරණාගත සෙයියාවෙන්ම සටන් කරුවන් රිංගවා පහර දෙන්නේ නම් එවැනි බලු හැතිකරයකට දිය යුතු පිළිතුර ඔවුන්ට තේරෙන භාෂාවෙන්ම ලබා දිය යුතුය….අයිසිස් මිනීමරුවන් වනාහි යල් පැනගිය මිථ්‍යා විශ්වාස මත මේ 21 වැනි සියවසේ සාර්ථක අධි-පාලනයක් ගොඩනැඟිය හැකි ‍යැයි සිතන නූගත් තිරිසන්නු රැළකි…මොවුන්ගේ අක්මුළ් තියෙන්නේ මොන ලෝකයේ වුවත්, මොවුන් වනසා දමා මැද පෙරදිගට සහ උතුරු අප්‍රිකාවට සහනයක් ලබා දීමට ලෝක බලවතුන් මැදිහත් විය යුතුය….එමෙන්ම මේ සක්කිලි රැළ බිහිවීමට බලපෑ ප්‍රධානතම හේතූන් වූයේ තමාගේම ක්‍රියාකාරකම් බව පිළිගැනීමට නේටෝ නායකයන් නිහතමානි විය යුතුය….වරක් අල් කයිඩා සංවිධානය බිහිවූයේ තම දේශයේම ජාත්‍යන්තර ක්‍රියාකාරකම් නිසා බව පිළිගැනීමට හිලරි ක්ලින්ටන් මහත්මිය නිහතමානි වූවාය….මෙවරත් ඇය සිය ජනපතිවරණ සටන අතරතුර අයිසිස් පිළිබඳව ත්‍රෛකාල තක්සේරුවක් නිවැරදිව ලබා දී තිබීම සතුටට කරුණකි…

මේ ජාත්‍යන්තර කරුණු කාරණා ගැන අප මින් ඉදිරි ලිපි මගින් දීර්ඝ විස්තරයක් කිරීමට බලාපොරොත්තු වන්නෙමු….දැනට කියන්නට යන්නේ මේ දිනවල ලාංකික සයිබරය සහ විශේෂයෙන්ම ෆේස්බුක් අඩවිය සහ එවැනි සමාජ වෙබ් අඩවි ආශ්‍රිතව පැතිර යන “ප්‍රොෆයිල් පින්තූරයට ප්‍රංශයේ ත්‍රෛවර්ණ ධජය දමා, ප්‍රංශයට සහය ඵල කිරීමේ සහ ප්‍රංශය වෙනුවෙන් යාඥා කිරීමේ රැල්ල” පිළිබඳවය….

අප මෙම සංසිද්ධිය කියවා ගත යුත්තේ මීට පෙර සිදුවූ අවාසනාවන්ත සිදුවීම් සහ ඒ ආශ්‍රිතව ලෝක ප්‍රජාව, මාධ්‍ය සහ අන්තර්ජාල සමාජ වෙබ් අඩවි පරිපාලනයන් හැසිරුණු ආකාරය, දක්වන ලද ප්‍රතිචාර සංසන්දනාත්මක පදනමක් කරගෙනය….මේ සඳහා සමීපතම සහ පැහැදිලිම උදාහරණය මෙසේය:

බංග්ලාදේශයේ සතිපතා ගංගා වල බෝට්ටු පෙරළෙති….

පද්මා නදියෙහි පසුගිය මාස හතක පමණ කාළය තුළ පෙරළුණු මගී බෝට්ටු වල සිටි 1,150 ක් පමණ දෙනා මරු මුවට පත් වූහ….ගංගාවෝ සහ අතු ගංගාවෝ 800+ ඇති බංග්ලාදේශයේ නිතර සිදුවන මෙවැනි අනතුරු වලින් මිය යන පිරිස දහස් ගණනකි…ඒවායින් ජාත්‍යන්තර මාධ්‍ය වල වාර්ථා වන තැනට එන්නේද 30%-40% ක් පමණි…කොටින්ම කිව්වොත් මියගිය පිරිස 400 කට පමණ වැඩි නොවේ නම් CNN, BBC ආදි ඊනියා ජාත්‍යන්තර මාධ්‍ය ඒවා සම්පූර්ණයෙන්ම මග හරිති….එවැනි විශාල බෝට්ටු පෙරළීමකදී වුවද ඒ පුවත් එකී ඊනියා ජාත්‍යන්තර මාධ්‍ය වල ඵල වනුයේ වාටි කවර වලය….කවමදාකවත් බංග්ලාදේශයේ බෝට්ටු පෙරළීමක් ( අනතුර මොන තරම් විශාල වුවත් ) CNN වගේ එව්වෑ “බ්‍රේකින් නිව්ස්” එකක් වන්නේ නැත….නිතර දකින කුකුළගේ කරමල සුදුයි කියන්නා සේම, මේ අනතුරු මොන අන්දමින් වුවත් අපේ අයියලාටත් ඒවා එච්චර වගේ වගක් නැත….

ඔහොම ඉන්නකොට 2014 අප්‍රේල් 15 වැනි දින දකුණු කොරියාවේදී පාසැල් සිසු සිසුවියන් ප්‍රමුඛ මගීන් 476 ක් රැගත් “MV Sewol” නම් සුඛෝපභෝගී මගී නෞකාව අනතුරකට පත්විය…සිද්ධියෙන් සිසු සිසුවියන් ඇතුළු 295 ක පිරිස මරු මුවට පත්වූහ…

අම්මට හුඩුය…. CNN  එකේ විනාඩි පහෙන් පහට සිද්ධිය ගැන බ්‍රේකින් නිව්ස් ය…. CNN එක මේ සඳහා වෙනම ෆෝරම් පේජ් එකකුත් ඕපන් කළා කියහංකෝය. “ඔබ මේ සිද්ධිය වූ ස්ථානයේ සිටී නම් කරුණාකර අපට වීඩියෝ දර්ශණ එවන්න” කියා තවත් වීඩියෝ ෆෝරම් එකක් දැම්මෝය…මුහුදු ගමනාගමනය සම්බන්ධ විශේෂඥයන් CNN International – Asia Pacific එකේ හොංකොං මැදිරි සංකීර්ණයේ අම්බානක ඇනැලිසිස්ය….අනතුර සිදුවුනු හැටි ගැන සෙන්ටිමීටරයෙන්, සෙන්ටිමීටරය විග්‍රහ කරති….

ෆේස්බුක්, ට්විටර්, අරකෙ මේකෙ ඔක්කොම දකුණු කොරියාවට යන “RIP” වැහි වැහැලාය….අපේ වාහෙලාත් දකුණු කොරියාව වෙනුවෙන් හිටගෙන Pray කරති….ගිලී මිය යාමට ආසන්නව සිටි මගීන් අවසන් මොහොතේ ගන්නා ලද වීඩියෝ, ඡායාරූප, ෆේස්බුක් දමන ලද ස්ටේටස්, ටිව්ටර්, අම්මාට අප්පාට යවන ලද එස්.එම්.එස්, අවසාන මොහොතේ දෙන ලද කෝල්, අරවා මේවායින් සමාජ වෙබ් අඩවි ජාල රත් වෙලාය….

අපේ පොෂ් අයියලා, අක්කිලා, මාමිලා, ඇන්ටිලා, බන්ටිලාටත් ඇඬෙනවාය…”OMG This is so heart breaking” ය…”OMG I cried when I read this” ය…”RIP Kim”ය…”XOXOX” ය….කඳුළු බේරෙන Emoticonsය…. බෝමා කඳුළු ඉණුවා ඇස කකියාය…”වාව්” ය….

දැන් අපි මේක මේ විදියට වීම පිටුපස ඇති සාර්ව චින්තනය කියවගන්න ට්‍රයි එකක් දෙමු….

බංගලියෝ කැත, දුඹුරු හම් තියෙන දුප්පත් හිඟන්නෝය…බංග්ලාදේශය සියළු මානව සංවර්ධන ඒකක අතින් දරුණු ලෙස පසුබැස සිටින ලෝකයේ ජීවත් වන්නට නුසුදුසුම රටවලින් එකකි…උන් අඳින්නේ වැරහැළිය…උන්ට දකුණු කොරියාවේ බඳු අධි තාක්ෂණික “මෙට්‍රො සෙක්ෂුවල්”, “ටෙක්නො සෙක්ෂුවල්” කල්චර් සහිත තාරුණ්‍යයන් නැත….කොටිම්ම කිව්වොත් බංග්ලාදේශයේදී බෝට්ටු පෙරළී මැරෙන හිඟන පැටවුන්ගෙන් 80% ක් සෙල්ෆෝන් එකක් වත් ඇහින් දැක නැත….

ඒ මදිවාට පෙරළෙන්නේත් කසි කබල්, පළලා දරට ගන්න වයසෙ ට්‍රෝලර් බෝට්ටු පඩංගුය….අම්මපා මෙවවයෙත් මිනිස්සු යනවාද නේද?…

අන්න ඒකට දකුණු කොරියාව….බංග්ලාදේශයේ හමගිය සාරි ලෙල්ලවල් වලින් ඔලුවෙ ඉඳන් වහගෙන ඉන්න, නැත්තන් ලිපේ දැම්මට පිච්චෙන්නෙ නැති ෂල්වාර් අඳින, නූගත්, නමේ අකුරු ටිකවත් ලියාගන්න බැරි, ඇට ගැහිච්ච, දූවිලි කුණු වැදිලා දුර්වර්ණ වෙච්ච හම් තියෙන නංගියෙක්ගේ කඳුළු වගේද, දකුණු කොරියාවේ හයි බ්‍රෑන්ඩ් ඇඳපු, පොලිෂ් කරපු, වාත්තු කලා වගේ සුදෝ සුදු නංගියෙක්ගෙ කඳුළු….අනික පෙරළුනෙත්  හයිෆයි Ferry එකක්ලුනෙ….

බංග්ලාදේශ ගොරහැඬි, දූවිලි නාගත් නංගියා “කූල්” නැත….ඒ නංගියා වෙනුවෙන් ඇඬීමද “කූල්, ට්‍රෙන්ඩි හෝ පොෂ්” නැත….ඒකි කොහොමත් උපන්නාට ඔහේ වැනි වැනි ජීවත් වෙලා මැරිලා යන්නට උපන් කරුමක්කාරියකි….ඒකි ඔය බෝට්ටුව පෙරළිලා නොමැරුණත්, අඩු වයසෙන් සිදු කෙරෙන බලහත්කාර විවාහයකින් කවුරු හෝ හිඟන හාල් පාරුවෙකුට දාව ගැබ් ගෙන, බංග්ලාදේශයේ තිබෙන නරකාදි සෞඛ්‍ය සේවයේ සහාය ලබාගෙන දරුවා ජාතක කරන්නට යද්දී කොහොමත් නිව්මෝනියාව හැදිලා මැරෙනවාය….තුන්වෙනි ලෝකයේ කරුමක්කාරයන්ගේ මරණය “Sweet නැත, Romantic නැත”…ඒ නිසා බංග්ලාදේශ නංගියාට වතුර පෙවීගෙන එනකොට ගිලීගෙන යන බෝට්ටුවේ හිරවී සිට අම්මාට කෝල් එකක් දෙන්නට ෆෝන් එකක් නැති නිසාත්, ඒ කෝල් එක ගන්නට අම්මා සිටින ගෙදරට ෆෝන් එකක් නැති නිසාත්, ඔවුන් දෙදෙනාම ෆෝන් එකත් ඇහැට දැකලාවත් නැති නිසාත්, ඒ බංගලි නංගියා බෙංගාලි බසින් හදතුරේ සඟවා ගන්නා “අම්මේ මාව මැරෙන්නයි යන්නේ” කියන ශෝකාලාපය එච්චර “නෝට්” වෙන්නේද නැත….බංගලිදේශ නංගියා ඉන්නේ මැරෙන්නය…ඒකි මළාට ගාණක් නැත….

bangladeshi-people08

දකුණු කොරියාවේ සුකුමාර නංගියා “කූල්ය”…ඒ වගේ තුදු ලත්තන නංගියෙක් මැරුණා කිව්වාම අක්මාව කම්පා වෙනවාය…උණ්ඩුකපුච්ඡය උද්දීපනය වෙනවාය….ආයෙ ආයෙත් ඒ රෝස මලක් වගේ ලස්සන මූණ, පොලිෂ් කරපු තොල්, දිලිසෙන කම්මුල් සහිතව, දිමුතු දසන් දක්වා හිනාවෙලා ඉන්න අවසන් වරට ගත් ඡායාරූපය දිහා බල,බල “අහෝ! මෙවන් සොඳුරු නිමැවුමක් සැනකින් වැනසී ගිය කරුමය කිම? දෙවියනි ඔබ මැවු ලොව පුදුමයි” කියා කියනවාය….ඒ නිරෝගී ලස්සන නංගා මැරෙන්න හිටිය කෙනෙක් නොවේ….එයා කවදා හරි දවසක “අනන්තයෙන් ආ තරු කුමරෙකුට” පෙම්වතිය වෙන්න හිටපු කෙනෙක්ය….ඒ දෙන්නාගේ ආදරය හරීම ස්වීට් එකක් වෙන්නට තිබුණාය…දකුණු කොරියාවේ සෝල් අගනුවර දර්ශණීය වීදියක, මිළ අධික අවන්හලකදී ඒ කඩවසම් තරු කුමරා මේ නංගියාව විශ්මයට පත් කරමින් ඇයට විවාහ යෝජනාව ගෙන එන්නට තිබුණාය….ඒ නංගියා සතුටු කඳුළු පිරි දෙනෙතින් ඒකට කැමති උනාම, රත්තරන් මුදුවක් ඒ සියුමැලි ඇඟිල්ලකට තරු කුමරා අතින් පළඳවන්නට තිබුණාය….

Free-Shipping-2013-women-Japan-and-South-Korea-non-mainstream-wig-girls-long-hair-dark-brown

එහෙව් නංගියෙක් අඳුරු නැව් පතුළක සිරවී Samsung Smartphone එකකින් ගෙදරට කෝල් එකක් දමා “Mommy, I might not see you again…I love you…!” කිව්වාම ලෝක වාසීන්ගේ ආමාශය දෙදරනවාය….හද මඬල පන්තේරු නැටුම් නටනවාය….ෆේස්බුක් එකේ ඉබේටම “RIP” එබෙනවාය….

දඩාවතේ යන බල්ලෙකු බලු වෑන් එකේ අවසන් ගමන් ගියාට කාටවත් ගාණක් නැත….කුරුඳුවත්තෙ බංගලාවක “බව්වෙක්” මැරුණොත් මාර සීන්ය… හලිම ස්වීට්ය…RIP ය…

CNN, BBC ප්‍රමුඛ ඊනියා “ජාත්‍යන්තර මාධ්‍ය” වල හැසිරීමත් කියවමුකො…

17 කෝටියක් ජන ගහණය ඉන්න, කුකුළ් කූඩු වගේ හිඟන මුඩුක්කු, ගුබ්බෑයම් තියෙන, එක මඩුවේ දහ පහළොස් දෙනා එකට ලගින, අපිරිසිදු, ලෙඩ රෝග වසංගත ගහන, හිඟන බංග්ලාදේශයේ මොකක් හරි අඩව්වක් උස්සන් ඇවිත් දැම්මාය කියා ඒවාට ඇඩ් එන්නේ නැත…Hits එන්නේ නැත…Views එන්නේ නැත….අරක නැත…මේක නැත….ඒව්වෑ සංදර්ශණීය වටිනාකමක් නැත….එව්වාට හදමල දෙදරන්නේ නැති නිසා, ඒ මරණ අරඹයා සෝෂල් මීඩියා කානිවල් බිහිවෙන්නේ නැත….උන් කොහොමත් මැරෙන්න ඉන්න එවුන් නිසා උන් මළාට ඒ මරණයට නියම කළ හැකි මිළක් නැත….උන් ගැන කවුරුවත් Search කරන්නේ නැත….උන්ගේ ජීවිත ගැන කියවන්න මහන්සි වෙන්නේ නැත….උන් වෙනුවෙන් බංග්ලාදේශ තානාපති කාර්යාල වල ගේට්ටු ලඟ රෝස මල් පොකුරු, පොකුරු, සුවඳ හමන ඉටි පන්දම්, ඡායාරූප, බෝඩ්, කටවුට්, ශෝක ප්‍රකාශ කාඩ්පත් ගොඩ ගැහෙන්නේ නැත….ඒ නිසා ඒවා ගැන බ්‍රේකින් නිවුස් දුන්නාය කියා ලොකුවට ගතමනාව නැත…එහෙව් එකේ උන්ට වෙන් කරන ඉඩකඩ අපරාදේය….

සිරාවට මම අහන්නේ … දිනපතා බෝම්බ පුපුරන ඉරාකයේ, තිස් වසරක සිවිල් යුද්දය නිසා අමු සොහොනක් උන ශ්‍රී ලංකාවේ, පැහැදිලි ජාත්‍යන්තර කුමන්ත්‍රණ නිසා නරකාදියක් වුන සිරියාවේ, ඊශ්‍රායලය නම් ඝෝර චණ්ඩියා ඉදිරියේ බියෙන් ගැහෙමින් ජීවත් වන පලස්තීනයේ දහස් ගණන් කුඩු පට්ටම් උනත්, ලෝකයේ ප්‍රධාන නගර වල තිබෙන ඒ රටවල තානාපති කාර්යාල ඉදිරියේ රෝස මල් පොකුරු, ඉටි පන්දම්, ශෝක ප්‍රකාශ කාඩ් එහෙම ගොඩ ගැහිලා තියෙනවා උඹලා දැකලා තියෙනවද?….එහෙම එව්වා ආවරණය කරලා නිකන් අතින් කයිට් වෙන්නෙ අහවල් එහෙකටද නෙහ්?

“ජාත්‍යන්තර මාධ්‍ය” කියන්නේ “සැබෑවටම ජාති-අන්තර මාධ්‍ය” විය යුතුයි නේද? එහෙම නම් ප්‍රාංශුවා, ජර්මානුවා, ඇමරිකානුවා, ජපනා වගේම, බංගලියා, ඉන්දියානුවා, පලස්තීනුවා, සිරියානුවා, ශ්‍රී ලාංකිකයාත් ඔය කියන ජාත්‍යන්තර ප්‍රජාවට අයත් නිසා, මේ සියළු දෙනාගේම ජීවිත සහ මරණ වලට තිබිය යුත්තේ එක සමාන වටිනාකමක් නේද? එහෙම නම් තොපි ඔය හැසිරෙන විදිය හරිද? මේ හැම කෙනෙකුගේම විපතේදී යොමුවිය යුත්තේ එක හා සමාන අවධානයක් නේද? කියන එක අහලා චාටර් වෙන්න කවුද කැමති…?….පැපොල් වගේයැ ඇපල්…නෙහ්….?

ඊනියා ජාත්‍යන්තර මාධ්‍ය හැසිරෙන ආකාරය අනුව අපිට ඉතින් ගොඩ නගා ගන්න තියෙන්නෙ:

න්‍යෂ්ඨියේ රටවල ජීවිත 1 = පරිධියේ රටවල ජීවිත 50 ක්

කියන සමීකරණය තමයි….

ප්‍රංශ කොඩිය ප්‍රොෆයිල් පින්තූරයට දමා ගැනීම කියවා ගත යුත්තේත් මේ විදියට තමයි….

සිරියාවේ, ඉරාකයේ, ලෙබනනයේ, යේමනයේ, ඇෆ්ගනිස්ථානයේ, පාකිස්ථානයේ දිනපතා අහන්න, දකින්න ලැබෙන ත්‍රස්ත සහ “නො-ත්‍රස්ත” ප්‍රහාර වලින් පැය දොළහකට විතරම එකසිය පනහක් මැරෙනවා…ෆේස්බුක් එක අයිති සහ ඒක කළමණාකරණය කරන අයට කොඩිය දාන්න හිතුණද?….”Pray” කරන්න හිතුණද…?….ඩැමැස්කස් වල කාර් බෝම්බයක් ගිය දාට, බැග්ඩෑඩ් වල මාකට් එකක මරාගෙන මැරෙන බෝම්බයක් ගිය දාට “We Stand With Syria” කියලා “Social Media Movement” එකක් පටන් ගන්න හිතුණද….?…..ශ්‍රී ලංකාවේ ළමා සොල්දාදු ඛේදවාචකය…ගුවන් ප්‍රහාර වලින් බේරීගෙන අතපය පැසවපු සහලෝලා උණ ගැනිච්ච දරු පැටවු බදාගෙන විලාප කිය කිය දුවන දෙමළ අම්මලා, ක්‍රීඩා තරඟයකට ගියපු දරුවො පෙට්ටියෙන් ගෙදර ආවාම ඒ මිනී බදාගෙන විලාප කියන සිංහල අම්මලා වෙනුවෙන් Pray කලේ කවුද?….Breaking News දුන්නෙ කවුද?….Forum වෙන් කළේ කවුද?….Expert Panel Discussions තිබ්බෙ කවුද?….

එතකොට ලංකාවේ අපි…?

ලාංකික සයිබර් ප්‍රජාව වන අපි ප්‍රංශ කොඩිය දාගෙන ඉන්නෙ ඇයි?….Pray කරන්නෙ ඇයි…?...”ලොවේ කොතනක මියගියත් ඔබ මගේ සොයුරාමයි, මගේ දරුවාමයි” කියන සඳ වැගිරෙන මානව හිතවාදය නිසාද?….එහෙනන් කෝ සිරියන් කොඩි…?…කෝ පලස්තීන කොඩි…?…කෝ ඉරාක කොඩි…?…කෝ බංග්ලාදේශයේ මුස්ලිම් අන්තවාදින් විසින් මරා දමන අහිංසක බෞද්ධයන්ට කොඩි…?….කෝ මියන්මාරයේ බෞද්ධ අන්තවාදින් විසින් මරා දමන රොහින්යා වරුන්ට කොඩි…?…

නෑ ඉතින් ප්‍රංශෙ කියන්නෙ ප්‍රංශෙ නෙ නෙහ්…?….සුදෝ සුදු ප්‍රංශ නංගියෙක්ගෙ පිණි ජම්බු ගෙඩියක් බඳු කොපුල් තලා දිගේ රූරා ගොස් වැටෙන කඳුළකට, ඒ නංගි නිහඬව බිම බලාගෙන දණ ගහගෙන පත්තු කරන ඉටි පන්දමක් අඬ අඳුරේ කියාපාන මනුෂ්‍යත්වයේ ශෝකාලාපයට මයික්‍රොවේව් අවන් එකේ තැබූ වෙඬරු ග්‍රෑම් පන්සීයක් සේ උණු වී නොවැගිරෙන හදවත් කුමට…?… හොඳේ…?…

ප්‍රංශයේ මිනිස්සු මැරෙන්න ඉපදුණු අය නෙමෙයි නේ….ඒ අය කොහොමවත් මෙහෙම මිය යා යුතු නැති අයනෙ….අර සිරියාවෙ, ඉරාකයේ වගේ බුරුතු පිටින් මැරිලා යන්න ඉපදිච්ච කාළකණ්නි බැල්ලිගෙ පුතාල වගේද ප්‍රංශේ මිනිස්සු….?….නෙහ්…කොඩිය දාමු…!… ප්‍රංශෙ මොඩර්න්, ප්‍රංශෙ පොෂ්, ප්‍රංශේ සෙක්සි, ප්‍රංශෙ රොමැන්ටික්……!..නොදෝකින් ගොරහැඬි ඉරාකෙ….ඉකේයියා ඇෆ්ගනිස්ථානයේ….චික්, තුක් පලස්තීනෙ…ඕක් සිරියාව…!

“ප්‍රංශ යුවතියන්…හදේ කොණ අරන්” ඉන්න වෙලාවෙ ප්‍රංශ කොඩිය දැම්මාම ඔයාව පේන්නෙ මාර “ඉන්ටනැෂනල්, මල්ටි නැෂනල්, සෙන්ටිමෙන්ටල්, සෙන්සිටිව්, රොමැන්ටික්, මොඩර්න්” පොරක් වගේ…. එතකොට ඔයාගේ ෆ්‍රෙන්ඩ්ස් ලිස්ට් එකේ ඉන්න ගොබිලලා කල්පනා කරනවා “බලාන්ඩ අනී….මේ අයියා / අක්කා / නංගි / මල්ලි මාර ඉන්ටනැෂ්නල් තින්කින් එකක් තියෙන, මානව හිතවාදි, මානුෂීය වාදී, ප්‍රජාතන්ත්‍රවාදී, භූමි කම්පාවාදී, ඩෑල් එකක්නෙ….බලන්න ෆ්‍රාන්ස් වලට “බල්ටි තුනයි, විසිල් දෙකයි” දුරින් වෙන්න ඕන මූ ඉන්නෙ…හවසට හවසට ෆ්‍රෑන්ස් ගිහින් ෆ්‍රාංශුවා ඕලාන්ඩ් එක්ක බෙලිමල් කෝප්පයක් ගහලා එනව ඇත්තෙ… මූ කැරම් ගහනවා ඇත්තෙ යැනික් නෝවා එක්ක, ජිල් බෝල ගහනව ඇත්තේ ශෝන් රෙනෝ එක්ක… එතකොට අඳින්නෙ පියරේ කාඩින්ගේ රෙදි….රෙනකොට අහන්නෙ අරූගෙ සිම්ෆනි, කනකොට අහන්නෙ මුගේ සිම්ෆනි, බුදියනකොට බලන්නේ අරූගෙ ඔපෙරා, වෙන්න ඇති….ඕකා ප්‍රංශ ඉතිහාසෙ කට පාඩමෙන් දන්නවා ඇති….ප්‍රංශ විප්ලවේ කෙරෙන වෙලාවෙ රොබෙස්පියර්ගෙ අම්මට බත් පැකට් එක අරන් ගිහින් තියෙන්නෙ මූ….නැපෝලියන් ඉපදිච්ච වෙලාවෙ මූ තමයි වින්නඹු කම් කොරන්න ඇත්තෙ”…වගේ දේවල් ඒ ෆ්‍රෙන්ඩ්ස් ලිස්ට් වල ඉන්න අයට හිතෙන්න පුලුහන්….ඒ සේරටමත් වඩා ඔයා මාර Westernized කියලා පෙන්න ගන්නත් පුලුහන්….ඔයාට කේබල් ටීවී තියෙනවා කියලා පෙන්න ගන්න පුලුහන්….ඒකෙන් සී.එන්.එන්, බී.බී.සී පලෝ කරනවා කියලා පෙන්න ගන්න පුලුහන්…ඔයාලා සොට්ටෙයා ඇප්ස් එහෙම යූස් කරන්න දන්නවා කියලා පෙන්න ගන්න පුලුහන්….

අනේ ඉතින් උඹලා ජාත්‍යන්තර දේශපාලනය ගැන දිනපතාම වගේ මාර අවධානයෙන් නෙ ඉන්නේ නෙහ්….?….

2004 ආසියානු සුනාමියෙන් පස්සෙ තායිලන්තයේ දරුණුම විනාශයට ලක් වුනු “පංග් ගා සහ ෆුකට්” ආදි පළාත් වල වැසියන්ට රෑට රෑට තෙත බේරෙන ඇඳුම් ඇඳගත්තු හොල්මන් පාරෙ යනවා පේන්න ගත්තා….මනෝ විද්‍යාඥයන් ගවේෂණය කරගෙන යනකොට පෙනුනලු, මේ අයට මේ පේන හැම හොල්මනකම පාහේ ඉන්නෙ සුද්දෙක් හෝ සුද්දියක් කියලා….පසුව මේ තත්වයට හේතු සාධක වශයෙන් ඒ මනෝ විද්‍යාඥයන් ඉදිරිපත් කරපු දේ තමයි තායිලන්ත වැසියන් මේ සුදු හම තිබෙන, කොකේසියානු සම්භවක්ථ මිනිස්සුන්ට දක්වන අසීමිත ගෞරවය නිසා, ඒ මිනිස්සු මෙහෙම මැරුණා කියන එක, ඒ අයගේ මළ කඳන් තිබීම විශ්වාස කරන්න, අදහගන්න බැරි දෙයක් උනා….අන්න ඒ කම්පනය තමයි මේ Mass Hysteria එකක් වශයෙන් නිර්මාණය වෙලා තියෙන්නෙ කියන එක….

අන්න ඒ වගේ තමයි අපිටත්….මැස්සො වගේ මැරිලා යන්න ඉපදිච්ච තුන්වෙනි ලෝකයේ හිඟන රටවල මිනිස්සු මැරුණා කිව්වාට ඕක ගාණක් නෑ…උන් ඉතින් මැරෙන්න නෙ ඉපදිලා ඉන්නෙ…..සුද්දො මැරුණා කිව්වාම, දියුණු රටක මිනිස්සු මැරුණා කිව්වාම, බලසම්පන්න රටක මිනිස්සු මැරුණා කිව්වාම දැනෙන කම්පනය සුවිශාලයි….“උන් කොහොමද දෙයියනේ මැරෙන්නෙ?” කියන ප්‍රශ්නෙ තමයි අවිඥානය අපිට මතු කරලා දෙන්නේ….අවිඥාණය අපිට යෝජනා කරන්නෙ ඒ තරම් සම්පත් මහෝඝයක් සහ මිලිටරි බලයක් සහිත, ඒ තරම් තාක්ෂණයක් තියෙන ධනවතුන් මැරෙන්නෙ කොහොමද කියන විමතිය….ඒක ලොකු ක්ෂතියක්, භ්‍රාන්තියක්….ඔය ලැයිසාගේ, කතිරිනාගේ, කරලැයින්ගේ, ගිරිගෝරිසාගේ, ජෙමාගේ, තෙපානිසාගේ, බූරු ජීලියාගේ, අගිදප්පුවාගේ ගෙවල් වල බක් මහෙන් බක් මහට වදාපු කොළු කෙළි පණුවො මැලේරියාව, අම්මාවරුන්නේ ලෙඩේ, සිංහලේ උණ, හීත උණ, අරක මේක හැදිලා එක ගොඩේ මැරිලා ගියත් ඕක ගාණක් යැ….?….වලව්වෙ සුදු අප්පො මළොත් අම්මට හුඩු “බාලේ පෙම්බර කොණ්ඩා බැන්දත්” හත් දවසක්, හත් වරුවක්….සිරියාවතී වැදුම් ගෙයි සන්නිය වැඩි වෙලා හුජෑ උනා වගේද බොල වලව්වේ නෙළුම් බණ්ඩාර මැණිකෙ දිවංගත වෙච්චි එක…?….

දැන් ලංකාවෙනේ අර්බුදය තියෙන්නෙ බලපුවාම….සමහර මුස්ලිම් මිනිස්සු “මේක මේ අවංක අහිංසක සුන්දර ඉස්ලාම් භක්තිකයන් කරපු වැඩක් නොවේය, මේක මේ ප්‍රංශ බුද්ධි අංශයන්ම කරාපු එකක්ය” කියන්න ගේන වඳුරු කුණුහරුප තර්කයි, ඒකට රෙද්ද කරට ගත්තු සමහර සිංහල මිනිස්සු “තම්බින්ට ගහනව නම් ඕන යකෙක්”  කියලා ප්‍රංශ කොඩිය දාගෙන කියන වඳුරු කුණුහරුප කථායි දැක්කාම අපිට එක තර්ක වර්ගෙට එක කොණෙන් ගානෙ කොන් දෙකෙන්ම හිනා යනවා….මෙතන එහෙම සීන් එකකුත් යටින් යනවා…අපි නොදන්න අපි … !

අනික ලංකාවෙ අපි ඉතින් උපන්ගෙයි මානව හිතවාදින් නෙහ්…?…මැද පෙරදිග රස්සාවට ගියපු දුප්පත් ගෑණියෙක්ගෙ වේදනාව තළු ගහලා හප කරපු, ඒ වචන අදටත් බයිට් එකක් කර ගෙන ඕනම දේකට “ඕක ළමයෙකුට දීපන්, හෙණ ගහලා අකුලෝලම පලයන්”  කියන අපි තමයි “ෆ්‍රෑන්ස් වල ෆ්ලෑග්” එක දාගෙන ඉන්නෙ මේ මානුෂිකත්වය වෙනුවෙන්….දහස් ගණන් එකතුවෙලා සයිබරයේ සමූහ දූෂණය කරන්න කවුරු හරි නර බිල්ලක් සතිපතා අහුවෙනතුරු කෙළ හල හල බලාගෙන ඉන්න, කාගෙ හරි ජීවිතයක වැරදිච්ච තැනක් අහුවුන ගමන් මෘගයො වගේ රංචු පිටින් වටවෙලා හපාකන, මරාගෙන කන අපිට තමයි මේ ප්‍රංශය වෙනුවෙන් “වැක්කෙරෙන්නෙ” …. අපි ඉතින් මනුස්සකම රැකීම අතින් කප් ගහපු රටක්නෙ….අවුරුදු 67 තිස්සේ උතුරෙයි දකුණෙයි අපි ලෙසටම මනුස්සකම රැකලා ඉවර වෙලා, මදි පාඩුවට තමයි අපේ මේ මහා කරුණාව අහස් ගඟ පිටාරා ගලන්නා සේ ප්‍රංශය දෙසට යොමු කරන්නෙ….අපි මනුස්ස කම රැක්ක හැටි, මනුෂ්‍ය ඝාතන හෙළා දකින හැටි, ප්‍රංශයෙ උන් තාම කථා වෙනවලු ඕයි ..!… ඔව්…!….බොරු නම් ” French INGO Action Against Hunger – Muttur” කියන වචන ටික ගහලා සර්ච් කරල බලපල්ලා….!….

අවසාන වශයෙන් ……

“HMS Lusitania, MV Wilhelm Gustleoff, SS Patria, Taiyo Maru, වගේ නම් අහලා තියෙනවද?

නැද්ද? එහෙනන් “HMS Titanic” කියන නම අහල තියෙනවද?…

මොකද නැත්තෙ…?…ඇයි අර ජැක් චිත්‍ර ඇන්දෙ.. රෝස් හෙලුවෙන් හිටියෙ….”My Heart will go on and on” උනේ….ඔව් ඒක තමයි…

ඔය මුලින් කියපු නැව් ගිළුනෙත් අත්ලාන්තික් සාගරය සහ ඒ ආශ්‍රිතව තමයි….ඒවා ගිළුණෙ පළමුවැනි සහ දෙවැනි ලෝක යුද්ධය අතරතුර යුරෝපයෙන් ඇමරිකා එක්සත් ජනපදයට, ලතින් ඇමරිකානු කළාපයට, කැනඩාවට එහෙම පළා යන සරණාගතයන් රැගෙන යද්දි එල්ලවුනු සබ්මැරීන ( German U-Boats, Soviet R-Boats) ප්‍රහාර නිසා…ඒ සිදුවීම් වලින් සරණාගතයන් දහස් ගාණක් නැව් සුන්බුන් අතරෙ හිරවෙලා ඒවා එක්කම මුහුදු පතුළටම ගියා… එළියට පැන ගත්ත අය සීතල මුහුදු වතුරෙ ගිලිලා, ලේ මිදිලා, සීතලට ලේ කැටි හිරවෙලා මැරුණා….ඒ මැරුණ අයගේ නම්, ගම් තියා නිශ්චිත ගාණක් මිම්මක් වත් අද තා වන තුරු නැහැ….ඒ අයගෙන් අති බහුතරය යුද්දය නිසා සේරම නැතිවෙලා ඇඳිවත සහ අඹු දරුවන් පමණක් ඇතිව ශාපලත් යුරෝපයෙන් පළා යමින් සිටි අසරණයන්..මේවයේ නැව් පතුල් වල තියෙන අඳුරු ගබඩා කාමර වල සත්තු වගේ ඉරිච්ච රෙදි පාන්කඩ ඇඳගත්තු දහස් ගාණක් සරණාගතයෝ හැරෙන්නවත් ඉඩක් නැතුව, හුස්ම ගන්න හුළං පොදක් නැතුව, ගාල් කරලා ගෙනිච්චෙ…ඒ නැව් ගැනවත්, ඒවායේ හිටපු මගීන්ගේ ජීවිත කථා ගැනවත් චිත්‍රපටි හැදුණේ නැහැ….

අන්න ඒකට ටයිටැනික්…!…සිද්ධියෙන් අවුරුදු 85 කට පසුව, එනම් 1997 දි ජේම්ස් කැමරන් කරපු ප්‍රතිනිර්මාණයට ලෝක වාසීන්ගේ හඳුන් පොත කොච්චර කී ගෑවාද කිව්වොත්, අර ජැක් රෝස් ජෝඩුව නැවේ ඇණිය උඩ ඉඳගෙන පිහාඹින්න හදන පින්තූරෙ පොත් පිටකවර, බුක්මාක්, බෑග්, ටී ෂර්ට්, ජංගි දක්වා ආවා….සෙලීන් ඩියොන් අක්කගේ සින්දුව එදා මෙදා තුර ඔක්කාරෙට එනකල් ඇහිලා ඇති….තාම ඇහෙනවා….”My “Fart” will go on and on”……

ගිනි ගත් යුරෝපයේ වෙඩි හඬ මග ඇරලා, කාළ තුවක්කු ගිගුම් දෙන හඬ, බෝම්බ හෙළීමට පහළ බසින ගුවන් යානා නගන කන් බිහිරි කරවන හඬ මග ඇරලා, මරබියේ වෙව්ල වෙව්ල, ඝණ අඳුරු නැව් ගබඩා කාමරයක කූඩු වෙලා, හීතලේ ගැහි ගැහි යන සරණාගතයෝ මැරුණා වගේද, බෑන් චූන් ගහගෙන, බාල් නටාගෙන, මිළ අධික වයින් වලින් ටෝස්ට් එක දාගෙන, ගියපු කුමාර ගමනක කෙළවරේ මැරෙන්න සිද්ද උනාම….නෙහ්…?…වාර්ෂිකව සප්ත මහා සාගර වල ගිලෙන සරණාගතයන් රැගත් බෝට්ටු, නැව් වල කථාව කොතනක ලියවුණත්, ඒවාට කාගෙවත් “Heart will go and on” උනේ නැත්තෙ ඇයි කියන එක සහ විනෝද සවාරියක් යන්න ගිහින් ආක්ටික් සාගරයෙදි අධි තක්සේරුව නිසා මරණය ළඟා කරගත් අය වෙනුවෙන් අවුරුදු 85 කට පස්සෙත් ලෝක වාසීන්ට “Heart will go on and on” වෙන්නෙ ඇයි කියන එක තුළ අපිට ප්‍රංශ කොඩියෙ ප්‍රොෆයිල් පින්තූරය කියව ගන්න පුළුවන්….

ඛේදජනක ත්‍රස්ත ප්‍රහාරයක් නිසා 150 ක් මියගිය ප්‍රංශයේ පැරිස් නුවර වෙනුවෙන්, ලොව පුරා සුපිරි නගරවල තියෙන ස්මාරක වල ප්‍රංශ කොඩියේ පාට වැටෙද්දි, සිරියාවේ, ඉරාකයේ දවසකට 150 ක් විතර මැරුණත් ඒ කොඩි වල පාට කොතැනකවත් නොවැටෙන්නෙ ඇයි කියන එක තේරුම් ගන්න අපිට පුළුවන් ටයිටැනික් නැවේ කථාව සහ චිත්‍රපටිය ගැන හිතුවාම….

තුන්වෙනි ලෝකයේ හිඟන හැත්ත ඉපදිලා ඉන්නෙ මැස්සො වගේ මැරිලා යන්න…උන් බුරුතු පිටින් මැරිලා ගියත් අපිට පුදුමයක් නෑ…අපි ඒ මරණ පිළි ගන්නවා…ඒවා ලෝකයට කම්පන තරංග මුදා හරින්නෙ නෑ……ඒවා ඉතින් “වෙන්න තියෙන දේවල්”….

ඒ වගේද ප්‍රංශෙ දෙයියනේ…?

ධනවත් අය මිය යෑම සතුටක් නෙමෙයි….දුප්පතුන් මිය යාම සාමාන්‍ය දෙයක් විය යුතුද නොවේ….පළවෙනි ලෝකයේ, තුන්වෙනි ලෝකයේ නෙමෙයි දහවෙනි ලෝකයෙ උනත්, උදේට සිය අඹු දරුවන් සිප සනසා නිවසින් එළියට බසින මිනිසාට සවස නැවත තම ආදරණීයයන් වෙත එන්න නොලැබෙනවා නම්, සංගීත ප්‍රසංගයක් බලන්න පිටත්ව යන තරුණ දියණියට මිනී පෙට්ටියෙන් නැවත නිවසට එන්න වෙනවා නම්, මධුවිතකින් සප්පායම් වන සාමකාමී රසවතෙකුට ඉන් සුළු මොහොතකට පසු වෙඩි උණ්ඩයක රස බලන්න ලැබෙනවා නම්, පෙම්වතියගේ දෙතොල් සිපගන්නා පෙම්වතෙකුට මද වේලාවකින් ඇයගේ මිනිය බදාගෙන අඬන්න වෙනවා නම්, ඒක ශිෂ්ඨත්වයේ දරුණු පරාජයක්….මනුෂ්‍යත්වයේ දරුණු පරාජයක්….ඒ පරාජය හමුවේ ඒ පරාජයට පාර කපා අනෙකුත් පාර්ශවයන් ලබන මොනම සමාජ, ආර්ථික හෝ දේශපාලන ජයග්‍රහණයක් වත් වලංගු නෑ…ඒ හමුවේ ලබන කවර ආකාරයේ වත් ආගමික ජයග්‍රහණයක්, ජාතික ජයග්‍රහණයක් වලංගු නෑ….

නමුත් ඒක ප්‍රංශයෙත් එසේය, බංග්ලාදේශයෙත් එසේය, ඉන්දියාවෙත් එසේය, ශ්‍රී ලංකාවෙත් එසේය, ඇමරිකා එක්සත් ජනපදයේත් එසේය, රුසියාවෙත් එසේය, චීනයෙත් එසේය, ඊශ්‍රායලයේත් එසේය, පලස්තීනයෙත් එසේය යනුවෙන් පොදු ධර්මතාවයක් ලෙස බලපැවැත්ම ප්‍රංශය ඇතුළු ලෝකයේ කිසිම රටක පිළිගන්නෙ නෑ……

ඒ නිසා සෑම ජීවිතයකටම එක සමාන වටිනා කමක් නෑ…..

මනුස්සකම කියන්නෙත් විලාසිතාවක් පමණයි…

2011 වසරේදී තිරගත කරන ලද “Melancholia” චිත්‍රපටයේ දෙබසකින් මෙය අවසන් කරමි….

//…..

Justine: The earth is evil. We don’t need to grieve for it.

Claire: What?

Justine: Nobody will miss it.

Claire: But where would Leo grow up?

Justine: All I know is, life on earth is evil.

Claire: There may be life somewhere else.

Justine: But there isn’t.

Claire: How do you know?

Justine: Because I know things.

Claire: Oh yes, you always imagined you did.

Justine: I know we’re alone.

Claire: I don’t think you know that at all.

Justine: Six hundred and seventy eight. The bean lottery. Nobody guessed the number of beans in the bottle.

Claire: No, that’s right.

Justine: But I know. Six hundred and seventy eight.

Claire: Well, perhaps. But what does that prove?

Justine: That I know things. And when I say we’re alone, we’re alone. Life is only on earth. And not for long.

….//

අපේ පොලිසිය?

අද වෙච්ච සිද්ධිය ගැන යන කතිකාවන්හිදි මට නම් වැඩියෙන්ම කථා කරන්න ඕන කියලා පෙනිච්ච පැත්ත තමයි මේ “අපේ පොලිසිය සහ ධනපති පොලිසිය” කියමින් නිර්මාණය කරන්න තතනන සුවිශේෂිතාවය….

ධනපති පොලිසිය තියෙන කල් ශිෂ්‍යයන්ට ගහනවලු…..සමාජවාදය ගේනාවාම සමාජවාදි රජයේ පොලිසිය ජනතාවගෙලු…ඒ කියන්නෙ කම්කරු පන්තියෙලු….ඒකෙන් ශිෂ්‍යයන්ට ගහන්නෙ නෑලු….ජනතාව මර්ධනය කරන්නෙ නෑලු…..

මේක ගැන ඉතින් වැඩිය අටුවා ටීකා උවමනා නෑ…සුද්ද සිංහලෙන්ම…වැරදුණා…සුද්ද මැන්ඩරීන් වලින්ම කියනවා නම් “ටියන්-ආන්-මන්” කිව්වාම ඇති….

දැකල නැති කෙනෙකුට බලාගන්න පුලුහන් මෙතනින් : https://www.youtube.com/watch?v=AGJoaHr2QdM

කියවලා නැති කෙනෙකුට කියවගන්න පුලුහන් මෙතනින් : https://en.wikipedia.org/wiki/Tiananmen_Square_protests_of_1989

සමාජවාදය නෙමෙයි මොන මළ ඉලව් ක්‍රමය ආවත් පොලීසිය ඒ ක්‍රමයේ ආරක්ෂකයා වෙනවා….ඊට පස්සෙ යම් කාළයකින් පසුව මිනිස් ප්‍රජාවේ සිතුම් පැතුම් වෙනස් වෙනකොට ඔවුන් ඒ ක්‍රමය විවේචනයට ලක් කිරීම ආරම්භ කරනවා…මේ විවේචන භෞතික ප්‍රතිචාර බවට පත්වෙන කඩඉමේදි පොලීසිය හෝ එයට අනුරූප අනෙකුත් ආදේශකයන් ( මිලීෂියාවන්, ජනතා භටයන්, හෝ වෙන මොකුන් හෝ වේවා ) ක්‍රියා කරන්නේ ඒ ක්‍රමය ආරක්ෂා කර ගන්න….ඕක ධනවාදයේ කියලා දකින විශේෂ අමුතු දුර්ගුණයක් නෙමෙයි….සමාජවාදී රටවලත්, ආගමික රටවලත් එකම සන්තෑසිය තමයි….

වඩා ශක්තිවන්තයා වෙන්නේ බොහෝ විට ක්‍රය ශක්තිය වැඩි කෙනා….එහෙම නැත්නම් දැනුම හෝ කැපවීම වැඩි කෙනා….එහෙමත් නැත්නම් යම් ව්‍යාපාරයක හෝ ප්‍රවාහයක නිර්මාතෘන් හෝ ප්‍රමුඛයන්….මේ එක් එක් ක්‍රම වලට අනුව වෙනස්…උදා: ධනේශ්වර ක්‍රමයක ශක්තිවන්තයන්, බලවතුන් වෙන්නෙ ක්‍රය ශක්තිය සහ රැස්කරගත් ධනය සහ සම්පත් වැඩි, භාණ්ඩ හා සේවා නිෂ්පාදන බලවේග අයිති කරගෙන සිටින, ඒවා හසුරුවන කෙනා….සමාජවාදී ක්‍රමයක ඊනියා විප්ලවීය ව්‍යාපාරයක නිර්මාතෘවරුන්, ආදිතමයන්, ප්‍රමුඛ සටන් කරුවන්… ආගමික රාජ්‍යයක ආගම පිළිබඳව දැනුම සහිත අය, කට පාඩම සහිත අය, කාළයක් දේශනා කරපු අය….මේ අය තමයි ක්‍රමය පවත්වා ගන්නේ…එතකොට ඒ අයට ලැබෙනවා තව පිරිස් බලය නඩත්තු කිරීමේ හැකියාව….ඉතින් මේ නඩත්තු කරන පිරිස් බලයේ නිළ ස්වරූපය තමයි “පොලීසිය, හමුදාව, ගුවන් හමුදාව, නාවික හමුදාව” කියන්නෙ….ඒක හැම විටම පෙනී සිටින්නේ ඒකට කන්න දෙන හාම්පුතා විසින් නිර්දේශ කරනු ලබන ක්‍රමය ආරක්ෂා කර දෙන්න….ඒ ව්‍යුහය ආරක්ෂා කරලා දෙන්න….

පොලිසිය කියන එක කවදාවත්, මොන ක්‍රමය යටතෙ වත් “අපේ” වෙන්නෙ නෑහමුදාව, ගුවන් හමුදාව, නාවික හමුදාව කියන ඒවා කවදාවත්, මොනම ක්‍රමයක් යටතෙ වත් “අපේ” වෙන්නෙ නෑ…..බහු පක්ෂ ප්‍රජාතන්ත්‍රවාදයක යාන්තම් හෙවණැල්ලක් හරි තියෙන, මානව හිමිකම් ප්‍රඥප්තීන් අත්සන් කරල තියෙන රටක මෙහෙම නම්, ඒක පාක්ෂික කම්කරු ආඥාදායකත්වයක් යටතේ පොලිසිය එක්ක පට්ටම ෆන් එකක් ගත්තෑකි….එතකොට තියෙන්නෙ පොලිසියකුත් නෙමෙයි….රතු මිලීෂියාවක්….ඒකෙන් දෙයි දෙලෝ රත් වෙන්න ආතල්…..

ජනතාවගේ පොලිසිය, ජනතාවගේ ත්‍රිවිධ හමුදා කියන කතන්දර 19 වැනි සියවස් හැරවුමෙදි කිව්වා නම් පිළිගන්න තිබුණා….ඒත් මේ වෙනකොට 20 වැනි සියවස පුරාවට ඒ කතන්දර අස්සෙ සැඟවිලා එන දේශපාලනයේ සැබෑ රසාස්වාදය ලෝකය පුරා ජනතාව විඳලා තියෙන්නෙ….ඒ විඳින්න අවම වශයෙන් 8 කෝටියකට දිවි දෙන්න සිද්ද උනා….

අපේ පොලිසියක් කියලා එකක් කවදාවත් එන්නෙ නෑ…එන ඕනම සමාජ ක්‍රමයක, ඕනම දේශපාලන ක්‍රමයක පොලිසිය කියන්නේ ක්‍රමාරක්ෂක සේනාංකය….සමාජවාදී ක්‍රම වලදි ඇත්ත වශයෙන්ම වෙන්නෙ ඒ යාන්ත්‍රණයන්ගේ මර්ධනයේ ස්වභාවය වඩාත් සාහසික වීම පමණයි….

මෙව්වයෙ නම් අඩුම ගානෙ පොලිසියෙන් කෙළියාම යන්න මානව හිමිකම් කොමිසන්, අධිකරණ, ජාත්‍යන්තර සහන සේවා තියෙනවා….ඒවයෙදි රතු මිලීෂියාවට එරෙහිව ඊනියා ජනතා අධිකරණයකට කම්ප්ලේන් කොරන්න යනකොට අඹු දරුවන් සිප සනසා, අන්තිම වතාවට උන්ගෙ මූන පොඩ්ඩක් බලලා යන්න වෙයි….

ස්ටාලින් කෝටි දෙකහමාරක් මැරුවා….එයින් 70 ලක්ෂයක් මැරුවේ බඩගින්නෙ තියලා…යුක්‍රේන සාගතය හෙවත් “හොලොදොමෝරය” කියන්නෙ ඒකට….ඒකත් කරලා ඉවරවෙලා ස්ටාලින් අවුරුදු විස්සක් විතර තිස්සෙ ජනතාව ඔය “ගුලාග්” වගේ ලස්සන ලස්සන තැන් බලන්න ට්‍රිප් යැව්වා….

මාඕ කෝටි 4 ක් මැරුවා….මේ ගැන ලියවිච්ච හොඳම පොත තමයි මේක : Mao’s Great Famine: The History of China’s Most Devastating Catastrophe, 1958–62 by Frank Dikotter…. අරගෙන කියවන්න…

ලෙනින්ගෙ විප්ලවයෙ ඉදිරිපෙළ වගකීමක් ඉටු කරපු කොන්ස්ට්‍රැඩ් සේලරුවන් ප්‍රජාතන්ත්‍රවාදය ඉල්ලා සිටි වෙලාවෙ ලෙනින් උන්ට වෙඩි තිබ්බෙ හිම කැලෑ වල පෝලිම් ගස්සලා….ඒක මෙහෙයෙව්වෙ මහා ජාත්‍යන්තරවාදියා වෙච්ච ( ඒ කාලෙ නම් රතු හමුදාවෙ නිර්මාතෘ ) ලියොන් ට්‍රොට්ස්කි….

දැන් මේ ගොල්ල ආවෙත් ජනතාවගේ පොලිසි, ජනතාවගේ හමුදා, ජනතාවගේ අරක, ජනතාවගේ මේක දෙන්න තමයි….දීපු හැටි 20 සියවස පුරාම ලියවිලා තියෙනවා….ස්ටාලින් එක්ක බලනකොට හිට්ලර් කියන්නෙත් පොඩි අපරාධකාරයෙක්….හිට්ලර් ගෑස් ගහලා, පුච්චලා මරපු යුදෙව්වන්ගේ එකතුව වගේ දෙගුණයක් යුදෙව් සහ රුසියානු නොවන සම්භවයෙන් යුත් මිනිසුන් ස්ටාලින් බඩගින්නෙ තියලා මැරුවා….තමන් වවපු දේ තමන්ට කන්න නොදී බලහත්කාරෙන් උදුරගෙන මිනිස්සු හාමත් කරලා මැරුවේ….පාරවල් දිගේ ඇට ගැහිච්ච මිනී ගඳ නොගහන්න හිම යට ගහලා තියන්න සිද්ද උනා…. රුසියානු සිවිල් යුද්දයෙදි ලෙනින් මරවපු ගාණ ලක්ෂ 50 කට එහා මිසක් මෙහා නෙමෙයි….

පොලිසිය කවදාවත් මොන සමාජවාදෙකදිවත් “අපේ” වෙන්නෙ නෑ…..අපේ පොලිසියක් දෙනවා කියලා සහතික වෙන ක්‍රමයන් අනුගමනය කරන්න ගියාම වෙන්නෙ තිබිච්ච ටිකත් නැති කරගෙන “අලේ මෙන්න අපිට වම් පයින්ම ගහනෝ” කියලා අඬන්න….එතකොට ඇඬුවට අහන්න කෙනෙකුත් ළඟපාතක නෑ….“අපි මේ පොලිසිය ගලවලා අපේම අපේම අපේ පොලිසියක් ගේමු” වගේ ටෝක් එක්ක යන ගමන් අන්තිමට කෙළවර වෙන්නෙ අන්තිම භයානක තැන්වලින්….Totalitarianism කියන එක දර්ශණවාදයක් එක්ක ආවත් එකයි, ආගමික අන්ත දෘෂ්ඨිවාදයක් එක්ක ආවත් එකයි….අවසානය ඛේද ජනකයි….

රටක්, රටක් හැටියට පවත්වා ගන්න පොලිසිය කියන්නෙ අත්‍යාවශ්‍ය සාධකයක්….එහෙම නැතුව අරාජිකවාදයට ආසාවක් තියෙනවා නම්, ඒක කොයිවගේද බලන්න ශරීර ප්‍රමාණයෙන් එක එක සයිසස් වල අවුරුදු 16-17 ගැටව් ගැටිස්සියො ටිකක් දූපතක අමු හෙලුවෙන් තනිකරලා තියන්න මාසයක් දෙකක්…මාසෙ ඉවර වෙනකොට සිරා සොමියක් පේන්න තියේවි…..ඔව්, ඔව් ඔය අරාජිකවාදින්ගේ Tendency, Dimensions, අරක මේක ඔක්කොම පැත්තක තිබ්බොත් ප්‍රායෝගික අන්තඵලය එච්චරයි….බකුනින් සහ මාක්ස් දෙන්නම කලේ පුටු දෙකක වාඩිවෙලා හීන බලපු එක විතරයි කියලා කවුරු හරි දැඩි ප්‍රකාශයක් කරන්න නැගී හිටියොත් මම ඌට විරුද්ධ වෙන්නෙ නෑ…..ප්‍රවුඩොන්ගෙ කැපිටල් A අකුරෙන් කියන්නෙ Anarchy … ඒක වටේට තියෙන ලස්සන එකෙන් කියන්නෙ Order…ඒකත් අර දෑ කැත්තයි මිටියයි වගෙම තමයි…දශක ගාණක් සඳ මෝල් වෙන්න සංවාද කරගෙන අන්තිමට බලනකොට ප්‍රායෝගිකව ලොවෙත් නෑ, ලොවි ගහෙත් නෑ…..

ඉතින් මොකක්ද විසඳුම? … නීතිය බල ගැන්වීම, මානව හිමිකම් ප්‍රඥප්තීන් වල නෛතික ක්‍රියාන්විතය ශක්තිමත් කිරීම තුලින් පොලිසිය මෙල්ල කර, හික්මවා තබා ගැනීම….බලය අනිසි ලෙස භාවිතා කළොත් ගෙවන්න සිදුවන වන්දිය විශාල බව පොලිසියට නිතර දෙවේලේ මෙනෙහි වන්නට සැලැස්වීම….පොලිසියටත් නීතිය නිසි අයුරින් ක්‍රියාත්මක විය යුතුයි….ඕනම පුද්ගලයෙකුට නිසි ආත්ම ගරුත්වය දීලා ආමන්ත්‍රණය කරන, නීති රීති ගැන දැනුවත් “සාපේක්ෂව” ශිෂ්ඨ සම්පන්න පොලිස් සේවයක් හදන්න පුලුවන්…. මෙහෙමයි ඉතින්, ක්‍රියාත්මක වෙන්න ඕන තැනදි සෘද්ධි බලයෙන් වළා පටලයක් මවා ඒ මත කළහකාරීන් වඩා හිඳුවා අහසින් ගෙන ගොස් පැත්තකින් තබන සෙනෙහෙබර පොලිසියක් නම් ඉතින් තාවතින්සයේ, නිර්මාණරතියේ සහ ස්වර්ගයේ ඇති (SDPD – Sakra Devendra Police Department)…..පෘතුවියේ යථාර්තය වෙනස්…ඒ යථාර්තයට අනුව හිතලා, ඒ යථාර්තයේ අවශ්‍යතාවයන්ට සහ කළ හැකි ප්‍රායෝගික දේට සාපේක්ෂව හික්මවන ලද, මනුෂ්‍යත්වය වෙනුවෙන් අලුත් කෙරෙන ජාත්‍යන්තර නීති රීති සහ ප්‍රමිතීන්ට අනුව සැකසුණු පොලිස් සේවයක් නිර්මාණය විය යුතුයි….

පොලිස් ආඥා පණතේ පොලීසියේ ක්‍රියාකාරකම් වල සීමා මායිම් සඳහන් වෙනවා….රටක සම්මත ආණ්ඩුක්‍රම ව්‍යවස්ථාව මගින් පොලිසිය සහ හමුදාව අයත්වන විධායක ව්‍යුහයේ ක්‍රියා හමුවේ හෝ ඒවාට සාපේක්ෂව පුරවැසියන්ට ලැබෙන අයිතිවාසිකම් ගැන සඳහන් වෙනවා….1978 ශ්‍රී ලංකාවේ දෙවැනි ජනරජ ව්‍යවස්ථාවෙ නම් මේ මූලික අයිතීන් ගැන සඳහන් වෙන්නේ වගන්ති අංක 10 – 17 තුළ….

ලංකාව ජාත්‍යන්තර මානුෂීය නීති පිළිබඳව ජිනීවා ප්‍රඥප්ති 1,2,3,4 සහ ඒවායේ 1977, 2005 අතිරේක ප්‍රොටොකෝලයන් වලට අත්සන් තබා තිබෙනවා….ඒ වගේම සිවිල් සහ දේශපාලන අයිතීන් පිළිබඳව ජාත්‍යන්තර මානව හිමිකම් නීති වලටත්, පරිහාරය වළකන ජාත්‍යන්තර නීති රීති වලටත්, ආර්ථික, සාමාජීය සහ සංස්කෘතික අයිතිවාසිකම් සුරකින ප්‍රඥප්තීන්ටත් 1966,1979,1989 යනාදි වසර වලදි අත්සන් තබා තිබෙනවා….

මේවායින් සිවිල් පුරවැසියන්ට ලැබෙන අයිතිවාසිකම් ක්‍රියාත්මක කළ යුතුයි….එසේ ක්‍රියාත්මක කර, පොලීසිය ප්‍රමුඛ විධායකයේ ක්‍රියාකාරිත්වය දැඩි ලෙස පාලනයට ලක් කළ යුතුයි….සාධාරණ උද්ඝෝෂණ තත්වයන්ට මුහුණ දෙන්නේ කෙසේද, ඒවා අපාලිත තත්වයන්ට පත් වන්න නොදී නිවැරදි ලෙස විසුරුවා හරින්නේ කොහොමද කියන එක ගැන නිසි පුහුණුවක් ලබා දිය යුතුයි….සාම්ප්‍රදායික චින්තනය හෙවත් “අපි රාළහාමිලා….අපි ඉන්නෙ ඔළු පලන්න….අපි ඉන්නේ ගෝරනාඩු කරන්න….අපි ඉන්නෙ සැර කරන්න…අපි ඉන්නෙ ගහන්න, වෙඩි තියන්න” කියන සොම්බී මානසිකත්වයෙන් ඔවුන් බැහැර කර, විධිමත්, ගරු සරු ඇති වෘත්තිකයන් පිරිසක් කළ යුතුයි…මරුමුස් චණ්ඩි කම, උස් අඩි මෙච්චරයි පපුව අඩි මෙච්චරයි, ඉස්කෝලෙදි රගර් ගහලා, ක්‍රිකට් ගහලා, ෆුට්බෝල් ගහල තිබීම ( කොටින්ම කිව්වොත් සෙල්ලමට පොර කාලා තිබීම ) විතරක් සුදුසුකම නොකොට, අධ්‍යාපනික සුදුසු කම් දැඩිව බැලිය යුතුයි….සෑම පොලිස් සහ හමුදා නිලධාරියෙකුටම සම්මත ජාතික සහ ජාත්‍යන්තර නීති පිළිබඳව ප්‍රමාණවත් අධ්‍යාපනයක් ලබා දිය යුතුයි…..

පොලීසිය හමුදාව කියන්නෙ ගමට ඇවිත් කොල්ලො කුදලගෙන යන ගෝනි බිල්ලො රැළක්ය කියන තැනින් එළියට අරගෙන ඔවුන්ට තමන් ජනතා සේවකයන් විනා ස්වාමින් නොවේය යන හැඟීම ලබා දීම යුරෝපා සමාජයන් ඉතා දක්ෂ ලෙස සිදු කරමින් සිටිනවා…උමං දුම්-රිය මාර්ග වල සින්දු කියන කෙනාගෙ ඉඳලා, නයිට්වරු, බැරන්වරු දක්වා හැම කෙනෙකුටම තරාතිරම නොබලා “සර්, මිස්, මැඩම්”  කියලා කථා කරන ශීලාචාර පොලිස් සේවා යුරෝපයේ තියෙනවා…….අඩුපාඩු නැත්තෙ නෑ…මම කළින් කිව්වා වගේ පරම සුසාධිත නිරවද්‍ය සාදු සමාජ ලොවෙත් නෑ, ලොවි ගහෙත් නෑ….සාපේක්ෂව දියුණු ප්‍රජාතන්ත්‍රවාදයක් කරා නොකඩවා යෑමක් තමයි ඉතින් ප්‍රගමණය හැටියට තියෙන්නෙ….

නැතුව ජනතාවගේ පොලිසියක්, ක්‍රමය නොරකින පොලිසියක් යනාදි සංකල්ප නම් මට හිතෙන හැටියට සදහටම මනෝ රාජිකයි… අප්‍රායෝගිකයි….

අපේ කාළයේ දුක හිතෙන කථාවක් …….!.. ( පිය සෙනෙහසට කව් ගී ලියවුණා මදි )

ඩොනල්ඩ් මුදන්නායක හාමු මහත්තයා අපේ ගමේ මහ දළ කාරයාය…ගොඩ, මඩ දෙකම අක්කර සිය ගණනක ඉඩකඩම් සමග සල්ලි උඩ පිනුම් ගහන මුදන්නායක වළව්වට දැසි දස්සන් බොහොමයකි… ගමේ නමගිය චණ්ඩි බණ්ඩි පිරිවරාගෙන වැඩ ඉන්නා ඩොනල්ඩ් හාමු මොන කුප්ප වැඩේ කළත් ගම්මු “මීක්” නැත…ඉස්සර ඔය එහෙන් මෙහෙන් සද්දයක් දෙකක් දැමූ ඉලන්දාරීන්ට ඩොනල්ඩ් හාමු ගේම දී කන්න විතරක් කට අරින ලෙවල් එකට සයිලන්ස් කර ඇත…ඒ නිසා දැන් ඩොනල්ඩ් හාමුගේ මුදන්නායක වළව්වට ඉහළින් ඉගිල්ලිය හැකි කාක්කෙක් හොයාගත නොහැක….මේ සිරිතුලානේ කිසිම කාක්කෙකුට එහෙව් ගටක් තියෙනවා යැයි සිතන්නටද බැරිය…
ඩොනල්ඩ් හාමුවාට යන යන තැන දරුවෝය…ගමේ ගෙවල් ගාණේ රෑට රෑට පැන පොඩොස්සියන් බඩ කිරීම උන්නැහේ කාළාන්තරයක් තිස්සේ කරන නිසා, මේ යකාගේ අවජාතක දරුවෝ හැම තැනමය…උන් එක එක පාටය…බොහෝවිට උන් උන්ගේ අම්මලාගේ පාටත්, අප්පාගේ මුහුණුවරත් ගන්නා නිසා අඳුනාගන්නට අපහසු නැත…ඔයින් ගෙවල් දෙක තුනකට මුදන්නායක හොඳට සළකා ඇත…ඒ නිසා ඉස්සර මැටිගොඩවල් වගේ තිබ්බ ඒ ගෙවල් දැන් පාට කොරලා, ඒ.සී හයි කරලා, ඇටෑක් බාත්-රූම් එහෙමත් තියෙනවාය…හැබැයි මුන්නැහැ වැදුණු අනිත් ගෙවල් වලට නම් ඒ හැටි වගතුවක් නැත….සමහර ඒවාට වගේ වගතුවක් නැත…මුදන්නායක තරහ කර ගත්තොත් නයාය…පළිගන්නේ එළව එළවාය…කොහොම හරි උන්නැහේ තරහ කරගත්තොත් බේරෙන්න පුළුහන් තැනක් මේ සිරිතුන් තළේම නැත…
ඩොනල්ඩ් හාමුගේ අත මුළ ඉඳන්ම ඉම්බ එවුන්ට හරියනවා කියලා ගමේ ගොඩේ පොඩි විස්වාසයක්ද තිබේ…ඒක නිසා සමහර ගෙවල් වල උන් නම් ඩොනල්ඩ් මුදන්නායක ඉස්සරහ දොරින් ගෙට එනකොට, පොඩොස්සිව කාමරේ තනිකර, පස්ස දොරින් එළියට බැස මග ඇරලා ඉඳිති….එහෙම ඉන්න උන්ගේ ගෙවල් බලාගෙන ඉන්දැද්දී දියුණු වෙන බව ගමේ උන්ගේ විස්වාසයයි….ඒක එහෙම වෙච්ච තැන් කීපයක්ද උදාහරණ වසයෙන් ඇත….ජැපේ රාළහාමි මුදන්නායක වළව්ව එක්ක හැප්පී මුදන්නායකලා අතින් මැරුම් කැවේය…ඩොනල්ඩ් හාමු ජැපේ රාළහාමි කම්බස් කොට රාළහාමි බංගලාව කුඩු සංසාර කර, තළා පොඩි කර දැම්මේය…ඒත් ජැපේ රාළහාමිගේ දූලා ටික ඩොනල්ඩ් හාමුට ගෙට එන්ට ඉඩ දුන් නිසා, අද ජැපේ රාළාමි බංගලාව බලන්ට ලස්සනය…..ඒකෙ තියෙන සාර සම්පත් අතින් මුදන්නායක වළව්වටත් එහාය….ඔය එක උදාහරණෙකි….
තව ඉතින් බැලුවොත් කොරලියා හාමිනේගේ එක දුවෙක් ඩොනල්ඩ් හාමුගේ ඇඳට නැග්ග අතර, අනිත් දුව ඩොනල්ඩ් හාමුට වත්ත හතර මායිමේ එන්ට නුදුන්නාය….පතිවත රැකගත් එකී අද අනාථය….ඒකිගෙ හිඟන පැල් කොටේට වැලේ වැල් නැත….ඩොනල්ඩ් හාමු අතින් අනාථ වෙච්ච එකී නම් එන්න එන්නම බබළනවාය….අද ඒකි ඉන්නෙ දිව්‍ය භවනකය…සාදර අනුග්‍රහය ඩොනල්ඩ් හාමුගේය…මෙහෙව් ගමේ පතිවත රැකගෙන මොටදැ‍යි අපටත් හිතෙනවාය…
අමාරිස් පීරිස් යනුවෙන් අප කවුරුත් දන්නා ගැටයාද ඩොනල්ඩ් හාමුගේම අවජාතක දරුවෙකි…. ඌ ඇවිල්ලා ඩොනල්ඩ් හාමු “සදංහාමිගේ” ගෙට රිංගීමේ අනිසි ප්‍රතිඵලයකි….අමාරිස් පීරිස් කියන්නේ ගමේ ඔය හරියෙම ගෙවල් වලට ඩොනල්ඩ් හාමු රිංගා ජාතක කොරවාපු අනිත් උන්ට වඩා මහ නහර කාරයෙකි….ඌට ඔය කරෝල කෑල්ලක් එක්ක බච් ඩිංගක් කොටාබාල පැත්ත බලාගෙන ඉන්ට බැරිය….ඌට ගමෙන් කොටහකට අයියා වෙන්නම ඕනෑය…යන්තං දණ ගාන කාලේ ඉඳන් ඔය උණ තිබ්බ කොලු ගැටව් හත් අට දෙනෙක්ම ගමේ ඔය ඉසව්වේ හිටියාට දැන් උන්ට එච්චර වගුතුවක් නැත…තුන්වේල කන්නේද බෝම අමාරුවෙනි….උන් මුදන්නායක වළව්වේ වීදුරු බිඳන කාළයේ අප්පගේ ඇටේවත් නොහිටි අමාරිසා මේ ඩිංග කාළෙට අත පය දිගෑරපු මදාවියෙක් උනේ කොහොමදැයි කියන එක ගැන ගම්මු එක එක කථා කියන්නෝය….සමහරුන්ට අනුව නම් අමාරිසා හොරෙන් හොරෙන් අප්පලෑ දිහා, ඒ කියන්නෙ මුදන්නායක වළව්වටම රිංගනවාය…..ඌ හිටි අඩියෙ මෙච්චර උස් මහත් උනේ මුදන්නායකලා ඌට හොරෙන් හොරෙන් කන්න අඳින්න දෙන නිසාය…මොනවා උනත් ඩොනල්ඩ් හාමුට ඌව දකිනකොට පිය සෙනෙහෙ කකියනවාය….පිය සෙනෙහසට කව් ගී ලියැවුණා මදි කියන්නේ ඒකලුය…මොනා උනත් තමුන්නෙ ලෙයින් ජාතක වෙච්ච එකා නොවැ….
ඒව්වෑ ඇත්ත නැත්ත කෙසේ වෙතත් අමාරිස් පීරිස් දැන් මුළු ගමම හකුළෝන මදාවියෙක් වී සිටියි….උගේ නම ඇහුණත් අහළ පහළ යායවල ගොයියෝ කෙල්ලෝ ගෙට ගනිති….කෙල්ලෝ ඉතරක් නොව කොල්ලන්වද ගෙට දමා රකිති….මූ ගෙවල් ගිනි තියයි…මුගෙන් බේරෙන්න ඌ ඉන්නා “මැද යායේ” ගොයියෝ දරු පැට්ටන් තුරුල් කොරාන පවුල් පිටින් අහළ පහළ යායවලට දුවති.. මේ ළඟදි වැව පැත්තෙන් පැනලා යන්න හදපු ගොයි පවුලක් ගිය ඔරුව පෙරළී එක දරු සිඟිත්තෙක් ඌරා වත්තට ගොඩ ගැහුවේය….ඒක දැක්ක මුළු ගං තුලානම අමාරිස්ට හෙණ ඉල්ලුවෝය….කොටින්ම කිව්වොත් මේ පාදඩයා ඊයේ පෙරේදා මේ ගංතුළානේ තිබ්බ පරණම දේවාල වලින් එකකට ගිනි ලෑවේ මුළු ගමම “අනේ අපොයි දෙයියොම බලාගන්ට මේ නස්පැත්තිය” කියද්දීය….අමාරිසාට ගමේ පරණ දේවල් වලින්, ඉතිහාසෙන් වැඩක් නැත….ඌ කියන පඩත්තල වැදිබණේ කවුරුත් අහන්ට ඕනෑය….වෙන අනම් මනම් වානාය….එක අතකට අප්පගෙම පුතා නොවැ….ඇරපු අතක් නෑ…අප්පගෙම ගතිගුණ තමා පුතාටත් පිහිටලා තියෙන්නේ….ඌ හඳ පෙන්නා ඉර කිව්වොත් අපි ඒක ඉර කියලා පිළිගන්ට ඕනෑය….ඩොනල්ඩ් හාමුවාත් ඔහොම්මයි…අප්ප කළ දේ පුතා නොකළොත් ඌ නොට්ටියෙ පුතාය…අවජාතකයා කියල වෙනසක් ඇතෑ….?….
ගම්මු අමාරිසාට හෙණ ඉල්ලති…පළි ගසති….ගම්මිරිස් අඹරති….අබ පුච්චති…රූප කටු ගසති…පොළවේ හැපෙති…වස්කවි කියති….අමාරිස් පීරිස් කියන්නේ ඩොනල්ඩ් හාමුගේ අවජාතක එකෙක්ය කියන එක ගමම දන්නා රහසක් බව ඩොනල්ඩ් හාමුද දනී….ඒ නිසා ගම්මු අමාරිසාට හෙණ ඉල්ලනකොට තමුන් කට වහන් හිටියොත්, මුදන්නායකලාට පාරේ රෙද්දක් ඇඳගෙන යන්න බැරි වෙන බව දන්නා නිසා ඩොනල්ඩ් හාමුද ගම්මු එක්කම අඬයි….අමාරිසාට හෙණ ගහන්ට ඕනෑ බව කියයි….ඒ මිරිස් ඇඹරිලි, පළි ගැහිලි වලට සහබාගී වේ….
“හාමු මහත්තයො…අපි මේ පළි ගහන්නෙ, වස් කවි කියන්නෙ අපේ තියෙන බැරි කමට….තමුන්නාන්සෙ එහෙම කොරන්නට ඕනැය?….තමුන්නාන්සෙට ඕන නම් මේ අමාරිසා එක සිවිඩ්ඩට අල්ලලා උඩු කුරුඤ්ඤං කොරන්ට ඇහැක් වරු බාගයක් යන්ට ඉස්සෙල්ලා…!…ඉතින් තමුන්නාසෙ මේ වෙන ආසක්කු බලාගෙන පළි ගහ ගහ ඉන්නෙ අහවල් ඒකටද?”  
කියා ගම්මු අහනකොට ඩොනල්ඩ් මුදන්නායක ඒවා නෑහුණා සේ ඉඳියි….අමාරිසාට කටින් දෙස් දෙවොල් තියයි…
අමාරිසා සිරිල්ලෑ ගෙදරට ගිනි තියා උන්නේ දෝණි ඇන්දෑටද හදි කොරන්ට ලෑස්ති වෙන අස්සේ මුළු ගමම බිරාන්ත වෙලා බලාගෙන ඉන්දැද්දී ඩොනල්ඩ් හාමු අහක බලාගෙන හිටියේය….අමාරිසා දැන් ඩොනල්ඩ් හාමුට කොන්ට්‍රෝල් නැති උනත්, ඔය සිරිල්ලෑ වත්තට අමාරිසාට රිංගන්ට පාර කැප්පෙව්වේ ඩොනල්ඩ් හාමුය….ඒව්වා අමතක වෙන්ට ගම්මු මැරිලා ඉපදිලා නැත….
ඔය අව් අස්සේ සිරිල්ලෑ පරාණ මිත්තරයා වෙච්චි ගමේ කොයි කවුරුත් දන්නා ගණන් කාරයෙකු වන “රුබේරු රතුවිතාන” ඔතෙන්ට පිඹගෙන ආවේය… රුබේරු කියන්නෙ හයේ හතරේ සද්දන්ත පුරුසයෙකි…ඒ වගෙම යමක් කමක් තියෙන වැඩකිඩ ඇහැක් හාදයෙකි…ඔය රුබේරුවා අද ඔහොම හිටියට ඉස්සර ඔවුනුත් වළව් කාරයෝය…ඒ කාලේ “රතුවිතාන වළව්ව” සද්දන්තය…. කොටිම්ම කිව්වොත් රතුවිතාන වළව්ව කියන නම ඇහෙනකොට ඩොනල්ඩ් හාමුගේ චක් ගෝලයන්ට සරං පොජ්ජ වල හුජ්ජ යනවාය….කොටිම්ම කිව්වොත් සද්දන්ත ඩොනල්ඩ් මුදන්නායක හාමු මහත්තයා පවා තිගැස්සිලා ඇහැරෙනවාය…රතුවිතානලාට බයේ ඩොනල්ඩ් හාමුයි, හාමුගේ චක් ගෝලයොයි එක්කාසු වෙලා සමිතියකුත් හදා ගත්තෝය… ගමේ එකාලා ඒකට කියන්නේ “නැතෝ” සමිතිය කියලාය….
අද රතුවිතානලාට ඒ තරම් හයිකාරකම් කොරන්ට බැරුවාය…කොටිම්ම කිව්වොත් ඒ මහා සද්දන්ත වළව්ව ගරා වැටී, අද ඔවුන්ට රතුවිතාන කියන වාසගමත් නැතිවෙලාය….ඒ උනත් රුබේරුවා උපන්නේ ඒ වළව්වේ මුදුන් සමයේය….රුබේරුවා උපන්ගෙයි මරුමුස් වෙලා තීන්නේ ඒ නිසාය….
පිඹගෙන ආපු රුබේරුවා ආ අතින්ම අමාරිසාගේ බෙල්ල මුලින් අල්ලාගෙන තල්ලු කරගෙන ගොස් ගහකට හේත්තු කලේය…දැන් රුබේරුවා අමාරිස්ට හිටු කියලා සබ්බුව දෙයි….”ඩිෂා…ඩිෂා” සද්දේ අපේ ගෙදෙට්ටත් ඇහෙයි….අමාරිසා පුල් අන්දොස් වෙලා මර ළතෝනි දෙයි…
“ආයි…ආයි…..රුබේරු අයියේ…අම්මෝ…!…ගහන්න එපෝ…!…බෙල්ල, බෙල්ල, ආයි, ආයි…!….අම්මෝ…!…බුදු තාත්තේ මාව බේර ගනියෝ….!…මෙන්න රුබේරුවා මාව මරන්න තනනෝ…!…අම්මෝ…!”  
ගමේ උන් රුබේරුවාට උජ වඩති…“එළ රුබේරු අයියා….කමෝන් රුබේරු…!…ඇර රුබේරු ඇර…!…කම්බස් කරපව් පුතේ ඕකා…!” .. රුබේරුවා දැන් ගමේ උන් අතර සුපර් ඉස්ටාර් කෙනෙක් වේගෙන එනවාය….ගමේ කෙල්ලෝ රුබේරුවාගේ පිම්බිච්ච මස් ගොබ එහෙට මෙහෙට හෙළවෙන හැටි බල බලා චීත්ත නෙරියේ අත පිහිනවාය…කොමළ කොරනවාය….ඉඟි බිඟි පානවාය….
මේ උජ වඩන පිරිස අතර ඩොනල්ඩ් හාමු සහ හාමුගේ චක් ගෝලයන් බලා සිටිති…උන් බලාගෙන ඉන්නෙ සන්තෝසයෙන් නම් නොවන බව උන්ගේ මූණු වල ඉරියව් වලින් පැහැදිලිය….උන් බලාගෙන ඉන්නෙ පිටතට පෙන්නන්න බැරි දුකක් පපුතුරේ හංඟාගෙනය….ගම්මු ඉඳහිට හාමු මහත්තයාගේ මූණ දිහා බලන විට මොනවා හරි කියා තොල් මතුරයි….”හරි නම් තමුන් කරන්ට ඕන වැඩේ රුබේරුවා නොමිළේම කරලා දෙන නිසා ඩොනල්ඩ් හාමුත් සන්තෝසෙට අට ඉස්බක් උඩ පනින්ට ඕනෑ නේදැයි” ගමේ එකීලා මුණු මුණු ගාති…ඒත් ඩොනල්ඩ් හාමු රුබේරුවා අමාරිසාගේ ගිරිය මිරිකන දෙස නිසලව බලා සිටියි….බැරිම තැන ඩොනල්ඩ් හාමු කට දමයි….
“රුබේරු…රුබේරු….ඔය ඇති යකෝ…!…ඕකා මැරිලා යයි ඔහොම ගහන්න ගියොත්”…..
“හාමු මහත්තයා මේ…!..මේක මායි අමාරිසයි බලාගන්නන් අරි….?…හාමු මහත්තයා තත්තෙ තියාගෙන ඔතනට වෙලා හිටියොත් හොඳයි…” .. ඒ මරුමුස් රුබේරුවාගේ පිළිතුරයි….
“හරි හරි රුබේරු…ඕකා නසරාණියා තමයි… ඒ උනාට මේවා විසඳන ක්‍රම තියෙනවනෙ….අපි ඕකාව උසාවි ගෙනෙහින් අච්චු කරමු….ඔහොම ගහල මරන එක මේ ගමටත් හොඳ නෑනේ…”
“ඩොනල්ඩ් හාමු මේ…!…අම්මට හු*න කථා කියන්න එපා…!..මූ මේ ගමට මෙච්චර විනාසයක් කරා හාමු මහත්තයා දැක්කෙ නැද්ද…?…ඇස් පොට්ට වෙලාද හිටියේ….මූව උසාවි ගෙනිහින් අච්චු කරන්න කල් සූඩේ වෙලා තියෙයි….මම මූව අද මෙතනම උඩු කුරුඤ්ඤං කොරනවා…..ඉඳා…..”……”ඩිෂා….ඩිෂා”….
දැන් අමාරිසාගේ පණ යන්න ඔන්න මෙන්නය….උගේ මූණ නිල් වෙලා, ගිරිය රතු වෙලාය….රුබේරුවා මරු නිළම බල බලා සබ්බුව දෙයි….ගම්මුද උඩ පනිති…..
ඩොනල්ඩ් හාමුට දැන් රුබේරුවාට දෙකක් වනා අමාරිසා බේරා ගන්නත් බැරිය….මොකෑ කිව්වොත් ඩොනල්ඩ් හාමුවා ඔය වීර පුරුසයා වගේ උන්නට රුබේරුවාට පට්ට බයය….රුබේරුලාගේ රතුවිතාන වලව්ව දැන් තිබ්බ තැන්වල ගසුත් පැළ වෙලා තිබුණත්, ඒ කාලේ ඇඳන් යට හංගාපු කඩු කිණිසි, බෝර දොළහවල් තාම රුබේරුවාට තියෙනවාය….අනික රුබේරුවා කියන්නේ පැටි වයසෙ ඉඳන් මේ ආයුධ පාවිච්චි කොරන්න ඉගෙන ගත්තු එකාය….ඌට මළ පැන්නොත් ඔය කොච්චර ආටෝප තිබ්බත් ඩොනල්ඩ් මුදන්නායක වළව්වටත් හාන්සි වෙන්නම වදිනවාය…..රුබේරුලාගේ පරම්පරාවෙ එවුන් මළාට ගේමක් අතාරින්නෙ නැත….උන්ව පතබාවන්න හිතන් ගියපු හයේ හතරේ චණ්ඩි ඔක්කොම අන්තිමට එළියට ආවේ අමුඩ කෙටිත් නැතුවය….රුබේරුලාට නැති වෙන්න දෙයක් නැති නිසා, උන්ගේ ඇහි පිල්ලමේ හරි පණ තියෙන කල් ගේමය….නැතිවෙන්න දෙයක් නැති එවුන්ට ඩොනල්ඩ් හාමුලා හරිම බයය….මොකද ඩොනල්ඩ් හාමුලාට නැතිවෙන්න දේවල් ඕනෑ තරම් තියෙන නිසාය….ඒ නිසා අපේ වගේ හිච්චි ගෙවල් වලට දාන සත්තම් රුබේරු රතුවිතානලාට දාන්න ඩොනල්ඩ් හාමු යන්නේ නැත….
අනිත් අතට වෙන දෙයක් වෙච්චාවෙ කියා ඩොනල්ඩ් හාමුට අමාරිසා බේරා ගන්න ඉදිරියට පනින්න විදියකුත් නැත…මෙච්චර කළක් ග්‍රාම සංවර්ධන සමිතියේ සහ පන්සලේ හතර පේරුවේ දායක සභාවේ “මනුස්සකම, දයාව, කරුණාව” ගැන මුදුන් ලීයෙන් බේරෙන ටෝක්ස් දුන්නු ඩොනල්ඩ් හාමුට ඉස්ත්‍රී දූෂක, මිනී මරු, කාපාලුවෙක් බේරගන්න කලිසමක් ඇඳගෙන යන්ට බැරිය…..ගියොත් රැස්වී සිටින ගම්මු ඉදිරියේ හාමුගේ සළුපිළි ඌර්ධවපාතනය වනු ඇත….
අමාරිසා විලාප කියනු ඇසේ….ඩොනල්ඩ් හාමු අහක බලා ගනියි….හාමුගේ ඇහේ කඳුළකි….ඒ අවජාතකයා වුවත් අමාරිසා තමුන්නේ පුතා නිසාය….මොන අසමත්ජාති වැඩේ කළත් තාත්තාගේ ලේ දරුවන් වෙනුවෙන් හැමදාම කකියනවාය….ඒක ඉර හඳ පවතින තුරු එහෙමය…..
පිය සෙනෙහසට කව් ගී ලියවුනා මදිය…..
( සියළු නම් ගම් මනං කල්පිත වුනත් සිරියාවේ මේ වනවිට පවතින “අයි.එස්.අයි.එස්” (ISIS) අර්බුදයට සහ ඊට රුසියාව සහ ඇමරිකාව දක්වන ප්‍රතිචාරයන්ට  කැමති කෙනෙක් සම්බන්ධ කර ගත්තාට කමක් නැත…. ) 

 

සවුදියෙ යන පාර කොයිබදෝ? මාමේ මට කියල දෙනවදෝ?

ලාංකික සයිබරයේ ජ්‍යේෂ්ඨ විචාරකයෙකු වන සුජීව කොකාවලයන්ගේ බ්ලොග් අඩවියේ පළවූ මෙම සටහන යළිත් ඉස්මතු කර තබන අටියෙන් මෙලෙස ප්‍රති-ප්‍රකාශනය කරන්නෙමු…..

උපුටනය ඇරඹුම 

රේප් වගේද කිස්

මාර සීන් එක.

කොළඹ ප්‍රධාන පාරක යන බස් එකක ගියපු කෙල්ලෙක් තමන්ගේ ෆෝන් එකෙන් කොල්ලෙකුට කතා කරලා. ඔව්. කොල්ලෙකුට. ෆෝන් එකෙන්. වරත්තු බැල්ලියෝ. හෙන ගහනවා මුන්ට.

එතන හිටපු මනුස්සය මේක අහගෙන ඉඳලා තියෙනවා. වටපිට ගැන සැලකිලිමත් වෙන හොඳ ශීලාචාර මනුස්සයෙක්. වෙලාවට එහෙම කෙනෙකුට ඇහුනේ. නැතිනම් මේ අවලමී ඕක හොරෙන්ම කරලා බැහැලා යනවා.

ඒ විතරක්ද? තව ටිකකින් මෙකි ඒ බස්සෙකේ ආපු කොල්ලෙකුට තමන් ලඟට එන්න කියලා ඉඳගන්න කතා කරාලු. අර ළඟ උන්නු ශීලාචාර මනුස්සයා කලින් කෝල් එකේ ෆුල් විස්තරේ අහගෙන උන්නු නිසා එයා ටක්කෙටම දන්නවලු මේ කොල්ලා අර කොල්ලා නෙවේ කියලා. ඒ මහත්මයාට අනුව කොල්ලෝ දෙන්නෙක්ම අඳුනගෙන ඉන්න වනචර කෙල්ලක්.

තවම ඉවර නැහැ. කෙල්ල බහිද්දී මෙන්න මූට දුන්නලු කිස් එකක්. මූට කිව්වේ අර කොල්ලට, ළඟ උන්නු ශීලාචාර මහත්මයාට නොවේ. එහෙනම් මේ කතාව මෙහෙම නොවේ යන්නේ.

මේ වනචරකම දැක්ක ඒ ශීලාචාර මහත්මයා හයියෙන් කෑගැහුවලු. ඒ මහත්මයට එකතු වුනාලු තව ශීලාචාර මගීන් කීප දෙනෙක්. ඒ වගේ අවදියෙන් ඉන්න හැදිච්ච මිනිස්සු හින්දා හොඳයි.

මොකද එතන පොඩි දරුවොත් ඉඳල තියෙනවා. අහම්බෙන් ඔය පොඩි දරුවෙක් රේප් වුනාට උන් කිස් දෙනවා දැක්කොත් බුදු අම්මෝ රේප් වගේද ඕයි කිස්.

කෙල්ල නම් බැහැලා ගියාලු. ඔන්න වැදගත් මාධ්‍ය ඒකිව තාම පටවාගෙන හතරවටේ ගෙනියනවා.

අනේ අපේ පින්බිම.

උපුටනය අවසානය 
අදාළ ලිපිය උපුටා ගත් තැන : http://slash-dev-slash-null.blogspot.com.au/2015/10/blog-post_20.html

තරුණ කාලේ හිරිමල් වැස්සට තෙමිච්ච නැති කවුරු හරි නාකි බල්ලෙක් කිස් එකක කෙළ ඩිංගිත්තක් දැකලා ජලභීතිකාව ඇවිස්සිලා බුරන්න ඇති….අපේ ජන මාධ්‍ය කාරයන්ට ඉතින් මේ දවස් වල බොඩිය වැලේ නෙ…. අපි මේ ගැන මීට කළින් දාපු ලිපිය කියවලා මේ සිද්ධියෙත් පූර්වාපර සන්ධි ගළපා ගන්න…වෙන ප්‍රශ්ණ මුකුත්ම නැති රටේ ජංගියත් ඉන්දියාවක් කිව්වලු….

“අල් සුලයිල්, අල් ලිදාම්, රනායාහ්, සලීම්, අෆීෆ්, රියාද් සවුදි, සවුදි, සවුදේ……නගින්න, නගින්න ෂීට් තියෙනවා…සවුදි සවුදි සවුදේ…..මහත්තයා කෑ ගගහ ඉන්නෙ නැතුව ගිහින් ඉඳගන්න අර පිටිපස්සෙ ෂීට් තියෙනව….සවුදි සවුදි සවුදේ……”

නිදහස් දවස නොදැන සිටි එකී හම ගැසීම….

ආයිස් අප්පඩා…!…ඕන්න මේ සුමානෙ සයිබරයේ ඉන්න වීරෝධාර විරුවන්ට මරාගෙන කන්න, රෙදි ගලවලා හම ගහන්න උණු උණු නර බිල්ලක් ලැබිලා තියෙනවා….දැන් ඉතින් සාරයි සාරම්මා…!…ආයෙ සති දෙකකට බස් එකේ ජැක් ගහන්න ඕනෑන්නෙ නෑ අසහනේ පිටකරගන්න…!….ගෙනෙන් ඕකිව පිට්ටනිය මැදට…!.. ගලවපියව් රෙදි…!…ගහපියව් ගල්…!….අර සුජී සීන් එකේ ගෑණු කෙනා වගේ මැදි වයසෙ කෙනෙකුත් නෙවෙයි…!…ඉටිකිරිස් ළමිස්සියෙක්…!…

මේ දවස් වල සයිබරේ හෙලුවෙන් වනන ( සිංහලයෙන් වර්ණනා කරන ) ජනතාවට කුණු කසළ කවන ගොසිප් මාධ්‍යවේදීන්ට ධන ලක්ෂ්මී යෝගය ලබලා….එකක් යනකොට එකක්….හම්මා මෙහෙමත් අවුරුදු ! … කොයි ගෙරියද යකෝ කිව්වෙ හැමදාම අවුරුදු නෑ කියන අමන කථාව….?…මේ තියෙන්නෙ මදි නොකියන්න….සෝඩා එපා…!…වෙන ප්‍රශ්ණ එහෙම අපට නෑනේ….!…ඔය මොකක් හරි කොරන්න එපැයි ටයිම් පාස් කරගන්න…!…

දැන් පොඩ්ඩක් සීරියස් වෙමුකො…..සතිපතා මේ වළට ගෑණි‍යෙක් ගෙනත් දාලා, ඒකිව සමූහ දූෂණය කරන එකට සමාජයක් වශයෙන් ඇබ්බැහි වීමේ භයානක කම අපි වගේ ගොන් බඳින කණු වලට වැටහුණාට මේ රටේ බුජ්ජිමත් ජනතාවට වැටෙහෙන්නෙ නැතුවා…..ඒක පැත්තක තියලා අපි දැන් මේ වෙච්ච දේ පොඩ්ඩක් බලමුකො….

කුණු මස් කෑමේ ආශාව ඇති කිරීම 

සනුද්‍රි නෙමෙයි, ඔය අද කාලෙ හතු පිපෙන්නා වගේ එන නිළියො, මොඩ්ල්ස්ලා, අරකිලා, මේකිලාගෙන් අති බහුතරය කේප්ප වැස්සියො, එළදෙන්නු තමයි…ආයෙ ඕකෙ අමුතුවෙන් සුද්ද කරන්න දෙයක් නෑනේ….ඒ වගේ එළ වැස්සියෝ ජනමාධ්‍යයට ගෙනල්ලා උන්ගෙන් සඳ මෝරන ටෝක්ස් බළාපොරොත්තු වෙන උන් ඊටත් වඩා දැවැන්ත ගවයන්….ඒ එන එකීලගෙන් සාස්ත්‍රීය ප්‍රශ්න අහලා උන්ව බයිට් එකට ගන්න මෝල් වහන්සෙලා ඒ සේරටම වඩා වටිනා ජාතික පුත්තු දූලා….මේ ගව සම්පත ඉල්ලුමේ සහ සැපයුමේ ප්‍රතිඵලයක් කියන එක අමුතුවෙන් කියන්න ඕන නෑනේ….ප්‍රේමකීර්තිලට, සීලානන්දලට, අරුන් ඩයස් බණ්ඩාරනායකලට, විජය කොරෙයලට, වැඩසටහන් මෙහෙයවන්න ඉල්ලුම තිබ්බෙ ඒ කාලෙනෙ…ඒ ඒ කාලෙ ඉල්ලුමට අනුවනෙ…දැන් රූපවාහිනිය කියන එක තව දුරටත් සුඛෝපභෝගී භාණ්ඩයක් නොවී සමාජයේ අපරි ව්‍යුහගත උනාම, ඒ ඒ බනිස් වලට ඒ ඒ කෙහෙල් දෙනව මිසක් ආයෙ මක්ක කියලා කොරන්නද?….ඔන්න ක්‍රමානුකූලව ප්‍රබුද්ධ මාධ්‍යකරණය විසින් හසුරුවලා ඒ හඳුන්වා දීම කරා නම්, රටත් වෙනස් කරගෙන, අපිත් වෙනස් වෙලා දියුණු තැනකට යන්න තිබුණා….අපි පොඩි කාලේ “අධ්‍යාපනය සේවය” කියලා එකක් මගින් අපට උගන්නපු දේවල් තාම මතකයි….

“ආලෝක කිරණයක් සඳට ඇඳී විත් පරාවර්තනය වේ… හිරු සඳු අතරට පොළව හරස් වෙයි – චන්ද්‍ර ග්‍රහණෙ මෙයයි”

කියන ගීතය අධ්‍යාපන සේවය සිහිබුද්ධියෙන් බලපු ඕනම කෙනෙක්ව ක්ෂණිකව ජාතික රූපවාහිනියේ ඒ සාරවත් අතීතයට ගෙනියනවා….”තෙලිතුඩ” කියන වැඩසටහනේ තේමා වාදනය 80 – 90 දශක වල ළමා කාලය ගතකරපු කවුරුත් දන්නවා….නව යොවුන් තාරුණ්‍යයට ඒ කාලේ ආමන්ත්‍රණය කලේ සුපිරි වැඩ්ඩෝ ටිකක්….ඒ අය දායාද කරපු දේවල් නිසා හුඟ දෙනෙක් හිතන පතන විදිහ වෙනස් උනා….

ටිකෙන් ටික, දැඩි සංයමයකින් යුතුව සමාජය වෙනස් කරන්න හදපු විද්‍යුත් මාධ්‍යකරණයේ රෙද්ද කඩලා දැම්මෙ සිරස මාධ්‍ය ජාලය….විලි ලැජ්ජාව කියන සාධකය ටිකෙන් ටික අමතක කරලා, ප්‍රමිතිය, අන්තර්ගතයේ ගුණාත්මක භාවය බල්ලට දාලා, ප්‍රබල කියවීමක් සහිත ඇත්තන් අතින් සිදුවුනු සංස්කරණය අමතක කරලා, ඕන වඳුරු කුණු ගොඩක් ගුවන් ගත කරන්න පුළුවන් වෙන ගාණට ලාංකික පොදු ජනතාවගේ චින්තන අවකාශයට කඩා වදින්නන් විපරිණාමය කලේ සිරස…සිරස අල්ලලා දුන්නු බැටන් එක අරගෙන දුවපු එතැන් සිට බිහිවෙච්ච අනිත් පඩත්තල මාධ්‍ය සිරසටත් එහා ගිය කාබාසිනියා කිරීමක් කළා…..

ඒ විදියට තමයි අද මේ තියෙන පිරිහිච්ච, අතිශය සරල, තුට්ටු දෙකේ බහුජන මාධ්‍යකරණය බිහිවුණේ….

“වේලාව මධ්‍යහ්න දොළහ පසුවී විනාඩි හතළිස් පහයි…මේ ශ්‍රී ලංකා ගුවන් විදුලි සංස්ථාවේ ස්වදේශීය සේවයයි….මෙන්න ප්‍රවෘත්ති…ප්‍රකාශය තිස්ස ජයවර්ධන / රම්‍යා වනිගසේකර”

කියනකොට මුළු රටම හෙල්ලිලා ඉන්නවා…ඒකෙ ගාම්භීර බව ඇඟට දැනෙනවා…ඒ කාළයේ ඉඳලා,

“සොහොනි දන්නවද ලේටස්ට් නිව්ස් එක? ඊයේ ඉඳලා පෙට්‍රල් වැඩි කරලා…”

“අහා…කියන්න බලන්න කීයකින්ද කියලා?”

“අපිට ආපු නිව්ස් එකේ හැටියට රුපියල් පනහකින් තමයි වැඩි කරලා තියෙන්නෙ”

කියන කාළය දක්වා ලාංකික විද්‍යුත් මාධ්‍ය විපරිණාමය වුනේ මේ විදියට තමයි….පොත පත කියවපු, වේදිකාව, සිනමාව දිග්විජය කරපු, ප්‍රඥාවන්ත මිනිස්සු අතේ තිබුණු සමාජ ආමන්ත්‍රණය අන්තිමට ඕජස් ගළන මළ මිනියක් උනත් ගජරාමෙට විකුණගන්න පුළුවන් අය අතට ගියා…ඉහත කී බුද්ධිමතුන්ට, උගතුන්ට, මේ හැළි වඳුරන් නිර්මාණශීලීත්වයට මුවා කරගෙන ජන විඥාණයට ඉදිරිපත් කරපු කුණු කරවළ රසය සමග තරඟ කරන්න බැරි උනා….ඒ අය විසි වුණා…විසිවෙලා, හිතල හිතල ලෙඩ වෙලා, හිඟන්නො වෙලා මැරුණා….

මේ ප්‍රපංචය ලාංකික ජන සමාජයට විතරක් ආවේණික වුණු දෙයක්ද?…මම හිතන්නෙ මේක මුළු ලෝකෙටම මේ වෙනකොට අදාළ ශිෂ්ඨාචාරයේ ගරා වැටීමක්, වල් බිහිවීමක් කියලයි….

මස් පිණිස සතුන් ඇති කිරීම 

සමාජ රසඥතාවය ඒ විදියට අමු අමුවේ කුණු මස් කෑමේ ආශාවක් දක්වා පහළ දැමූ පසුව මේ මාධ්‍යයන් විසින් ඊළඟට කරන්නෙ කුමක්ද?….

ඔන්න දැන් කුණු මස් කන්න ඉල්ලුම තියෙනවා….මේ ඉල්ලුමට සරිලන සැපයුමක් දෙන්න අවශ්‍ය මස් පිණිස ඇතිකරන සත්තු….දැන් මාධ්‍ය ආයතන කරන්නෙ ඒක…විවිධ ක්‍රමවේදයන් මගින් ඔවුන් සතුන් ඇති කරනවා….මේ නවක නළු නිළියන්, නිරූපිකාවන්, නිවේදකයන් සහ නිවේදිකාවන්, මිස්, මිස්ටර් එක එකා, මේ අය තමයි උදාහරණ….ඔය නිදහස් දිනේ නොදන්න එකීත් එක උදාහරණයක්….මේ අය හඳුනාගන්න ලේසියි….

1. ඔවුන්ගේ මුළු පැවැත්මම රඳා පවතින්නේ ඔවුන්ගේ ශරීරයේ අවයව කිහිපයක් මත….මේ අවයව ටික පවත්වා ගන්නා විදිහට අදාළ දේවල් හැර වෙන කිසිවක් ඔවුන්ට උගන්වන්නෙ නෑ…හරියට අර “Never Let me Go” චිත්‍රපටියේ අවයව ප්‍රධානය සඳහා ඇතිදැඩි කරන Donor දරුවන්ගේ ඉරණම වගේ….අවයව ටික පවත්වාගෙන ඒවා ආකර්ශණීය ලෙස ඉදිරිපත් කිරීමේ ශාස්ත්‍ර හැර අන් කිසිවක් ඔවුන් දන්නෙ නෑ….

2. ඔවුන්ව අපට මතක හිටින්නෙත් ඒ අවයව නිසා….

3. ඔවුන් රංගන කලාවට, සාහිත්‍යයට, අනෙකුත් කලා කර්මයන්ට දක්වන දායකත්වයක් නෑ…කොටින්ම කිව්වොත් උන් මෙළෝ මගුලක් ඒ ගැන දන්නෙත් නෑ…ඒත් ඔවුන් “කලා කරුවන්, නළුවන්, නිළියන් ලෙස අතිශයින්ම ජනප්‍රියයි”…

4. ඔවුන් හැම තැනම ඔබට පේනවා….හරියට අන්තර්ජාලයේ ස්පෑම් ලින්ක් එකක් වගේ….එකම තැනට විවිධ විදිහෙන් ඔබව යොමු කරනවා….උදා: මෙගා නාට්‍යය හැම එකේම ඔවුන් ඉන්නවා…හැම වෙළඳ දැන්වීමේමත් ඔවුන් ඉන්නවා….අවුරුදු උත්සවයක් තිබ්බොත් එතනත් ඔවුන් ඉන්නවා…”මාධ්‍ය දිනයක්, සයිබර් බ්ලොග් කරුවන්ගේ දිනයක්, මිතුරු හවුලක්, ක්‍රීඩා උත්සවයක්, රාත්‍රී සාදයක්” තිබ්බොත් එතනත් අනිවාර්යෙන්ම ඔවුන් ඉන්නවා….

කාඩේශියන් උදාහරණය ….

70-80 දශක වලින් පසුව අද මේ වනවිට ලෝක සමාජයේත් අවධානය කේන්ද්‍රගත කරගෙන ඉන්නෙ කවුද?…මහා සමාජ අර්බුද සිය සෙවණැල්ලෙන් වසාගෙන ඉන්නෙ කවුද?…කවුද මේ “කාඩේශියන්ස්ලා” කියන්නෙ…?….මොකක්ද අපිට මේ කාඩේශියන් සොයුරියන්ගේ තියෙන ප්‍රයෝජ්‍ය වටිනාකම..? ( උදේ හවහා කාඩේශියන් අක්කා නගෝ බල බල පොල් කළටි කඩන එකට අමතරව?) .. කිම් කාඩේශියන් වටා පරිභ්‍රමණය වන කාඩේශියන් සොයුරියන් මෙතරම් ධනවතුන් කලේ කුමන බලවේගයක් විසින්ද?….

මුලින්ම කිම් කාඩේශියන්ගෙ පුක ලෝකයේ බළසම්පන්නම පුක බවට පත්වුනා….අන්තර්ජාලය හරහා සහ වෙනත් සීමා විරහිත මාධ්‍ය හරහා කිම්ගේ ගුද මාර්ගය ආශ්‍රිත ප්‍රදේශය ගාසා තීරය ආශ්‍රිත ප්‍රදේශයට, මධ්‍යධරණී මුහුද, රතු මුහුද ආශ්‍රිත ප්‍රදේශයට, ලතින් ඇමරිකානු කළාපය ආශ්‍රිත ප්‍රදේශයට, සහරාව ආශ්‍රිත ප්‍රදේශයට වඩා න්‍යෂ්ටිගත වුණා….අවධානයට ලක් වුනා….ලක්ෂ ගණනක යුද හමුදා, දහස් ගණනක් සන්නද්ධ රථවලට නොමැති බළ පරාක්‍රමයක් ලැබුණු මේ පුකට කැමරා මිලියන ගණනක ෆ්ලෑෂ් ගන්, ලයිට් වල එළිය වැටුණා…එහෙම එළිය වැටිලා ඒක දිළිසෙනකොට, ඒ කාඩේශියන් පවුලේ ඉන්න අනිත් ගෑණු ටිකත්, කිම් කාඩේශියන්ගේ පුකෙන් පරාවර්තනය වෙන ආලෝකය දෙසට තමන්ගේ පුකවල් සහ තන් ගෙඩි ඇල්ලුවා….ඒ ආලෝකය කර්ට්නි කාඩේශියන්, ක්ලෝ කාඩේශියන්, කෙන්ඩල් ජෙනර්, කයිලි ජෙනර් වගේ කිම්ගේ අළගිය මුළගිය හැම ඥාති බවලතියකගෙම තන්ගෙඩි සහ පුකවල් වලට වැටිලා, ඒවායින් පරාවර්තනය වෙලා, අවසානයේදි කාඩේශියන් පවුල “පුක් ග්‍රහ මණ්ඩලයක්” ලෙස ඈතට පෙනෙන තැනට ආවා…මරු නේද?….ඒ ආවේ නිකන් නෙමෙයි….ඒ තන් සහ පුක් හිමිකාරියන්ට දහසින් බැඳි පියළි, සිටු මාළිගා සහ විජයොත් රථයන් අරගෙන….

දැන් මේ  “කාඩේශියන් පෞක ග්‍රහ මණ්ඩලයෙ” ආලෝක ප්‍රභවය කිම් කාඩේශියන්ගේ පුකද?….නෑ….ආලෝක ප්‍රභවයන් වන්නේ කිම් කාඩේශියන් ඇයගේ පුක පානකොට, ඒක “Light up” කරපු මාධ්‍ය කාරයන්ගේ කැමරා ආලෝක පද්ධති….එතනින් එහාට ඒ කැමරා වල බොත්තම් ඔබන ඇඟිලි මෙහෙයවෙන දිග කථාවක් තියෙනවා….ඒ කථාව කියවා නොගෙන, ඒ ක්‍රියාදාමය ඔස්සේ කාඩේශියන්ලට ලැබුණු සැප සම්පත් මහෝඝයට අපි ඔවුන්ට පළු යන්න බැන්නාට ඵලක් නෑ….

මාධ්‍ය ද්වි-ගුණය 

බොහෝ විට අද දකින්න ලැබෙන්නේ මේ මොළය හිස්, කඳ බඩ විකුණාගෙන ජීවත් වන ගැහැණුන්ගේ සහ පිරිමින්ගේ ජීවිත සෞභාග්‍යමත් වීමත්, ඒ තත්වය කෙරෙහි සමාජයේ ඇතැම් කොටස් දක්වන ක්‍රෝධයත්, එකම කාසියේ දෙපැත්ත වීම...එකම දිශානතියකට ගමන් ගැනීම….සිද්ධිය සහ සිද්ධියට එරෙහිවීම යන දෙකම උත්තේජනය කරන්නෙත්, කරලා අවසානයේ විකුණාගෙන ලාභ ලබන්නෙත් එකම මූලාශ්‍රයක්...කිම් කාඩේශියන්ගෙ පුකට මේ සා බළයක් සහ වස්තුවක් ලබා දුන් මාධ්‍යම තමයි, පුකේ බළෙන් සිටු කුමරියක් වුනු කිම් කාඩේශියන් එසේ වීම ගැන ජනතාවගේ ඇතැම් කොටසකින් නැගෙන ක්‍රෝධය සහ විරෝධය විකුණන්නෙත්….හොලිවුඩ් ගොසිප් වෙබ් අඩවි සහ ඊනියා ටැබ්ලොයිඩ් සඟරා බැලුවාම ඔබට පෙනේවි මේ තත්වය….

සිද්ධිය සහ ප්‍රතිචාර 

එක් පසෙකින් කාඩේශියන්ලා යන යන තැන සිය අධි තාක්ෂණික තෙවැනි ඇස යවන මාධ්‍ය කරුවන් ඔවුන්ගේ සහවත සහ නිරුවත යන දෙකමත් සමග ඔවුන්ගේ එදිනෙදා චර්යාවන් සියල්ලගේම අතිශය ක්ෂුද්‍ර ක්ෂතිය දක්වාම ඡායාරූප හෝ වීඩියෝ ගත කරලා සමාජගත කරනවා….ඒවා සමාජයට ද්වි-දිශා සන්නිවේදනය කරන්න පුළුවන් අන්තර්ජාලය තුළ වෛරසාභිනයෙන් ප්‍රචාරය වෙනවා…

මේක දකින කාඩේශියන්ලා මාධ්‍යයන්ට උවමනා දේ සැපයෙන්නට ඉඩ හරිනවා…උදා: 2012 දි කර්ට්නි කාඩේශියන් කහපාට කොට සායක් ඇඳගෙන මයෑමි (Miami) වල ඔවුන්ගේ නවාතැනක බැල්කනියකට ඇවිත් නටනවා…කැරකෙනවා…සායට හුළං බදන බව දැන දැන ඒක උඩ යන්න ඇරලා බොරු ලැජ්ජාවක්  පෙන්නලා අල්ල ගන්නවා…පසුවදා ටැබ්ලොයිඩ් මැගසින් කටු වල පිටු පුරවලා කර්ට්නිගේ යට ඇඳුමෙ ෆොටෝ…මෙතනදි කාඩේශියන්ලා කරන්නේ මාධ්‍යයට උවමනා දේ වික්ටෝරියානු සභ්‍යත්වයේ සීමා තුළ ඉඳගෙනම සැපයෙන්න ඉඩ හරින එක…කෙළින්ම බැල්කනියට ඇවිත් සාය උස්සලා “ගනිල්ලා ෆෝටෝ!” කියලා පෙන්නනවට වඩා ශිෂ්ඨ විදියට ඒක කරලා, ඊට පස්සෙ ඒ මාධ්‍ය වලටම Interview එකක් දීලා කියනවා “මට මාර ලැජ්ජාවක් උනේ අනේ !” කියලා….එතනදි කරන්නෙ අර මුලින් රඟ දක්වපු නාටකයට හඬ කවන (Dubbing) එක….

දැන් මේවයේ අතුරු ප්‍රතිඵල නිසා මේ අයට විශාල මුදළක් ගලා එනවනෙ…ඒ එන මුදල් වලින් මේ ගොල්ල ෆෙරාරි කාර්, අධිවේගී සුපිරි බෝට්ටු, මන්දිර, හෝටල් හෝ මුහුදු වෙරළවල බංගලා ගන්නකොට, අර්ධ- විදග්ධ සමාජයට සහ මධ්‍යම පාන්තික වෘත්තික සමාජයට යකා නගිනවා…ඇයි ඔවුන් වෘත්තිමය සුදුසුකම් පසුපස ලුහුබැඳ ගිහින්, සිය ජීවිතයෙන් වසර ගණනාවක් පොත් එක්ක ඔට්ටු වෙලා, දුක් විඳලා, විභාග කරලා තම නමට යටින් ඉංග්‍රීසි අකුරු රෑනක්ම එකතු කරගෙන හදාගන්න ජීවන මාර්ගයට මේ දේවල් අමු හීන විතරයි…මේ කපේදි ලබාගන්න පුළුවන් දේවල් නෙමෙයි….එක සුළු මොහොතකට කර්ට්නිගේ සාය උඩ ගිය එකේ ආර්ථික වටිනාකම, වරලත් ගණකාධිකාරිවරයෙක් සිය වෘත්තිය තුළ තමා වෙනුවෙන් මාසයකට ජනනය කරන වටිනාකම වගේ කිහිප ගුණයක්….ඉතින් යකා වැහෙන්නෙ නැද්ද බ්ං…?…

ඊට පස්සෙ ඒ සමාජය මොවුන්ගේ යස ඉසුරු කෙරෙහි සිය ක්‍රෝධය ඵල කරනවා…ඒ ඵල කරන්නේ වස්තු බීජයන්ගේ ස්ත්‍රීත්වයට සහ බොහෝ විට ඔවුන්ට පවතින නූගත්කමට නිග්‍රහ කිරීමෙන්….මෙසේ සමාජයෙන් විශාල කොටසක් කරන නිග්‍රහයට ගලා එන්න අවකාශය සළසා දෙන්නෙත් අර ඉහත කී සිදුවීම කරපු මාධ්‍ය කරුවන් තමා….ඔවුන් ඔවුන්ගේම මාධ්‍ය ජාලයන් හරහා හෝ ඒ හා බැඳුණු ගොසිප් උප සංස්කෘතියක් සහිත වෙනත් ජාලයන් හරහා අර ක්‍රෝධය ගජරාමෙට අළෙවි කරනවා…..

ලංකාවෙ කාඩේශියන් සොයුරියන් කිහිප දෙනෙක්ම ඉන්නවා….කාඩේශියන්ලා කේන්ද්‍රගත කරගෙන පවතින අන්තර් ක්‍රියා ව්‍යුහයම ඊට වඩා කුඩා ප්‍රමාණයක ක්‍රියාදාම ගෝලයක් ලෙස මේ අයවත් වටකරගෙන පවතිනවා…කාඩේශියන්ලාගේ අංගෝපාංග වලට වැටෙන ආලෝකය ජනනය වන ආලෝක ප්‍රභවයේම සම ආරක ප්‍රභවයකින් තමයි මේ අක්ක නගාලත් Light up වෙන්නෙ….

ඉතින් දැන් මේ අයගෙන් ඔබ බලාපොරොත්තු වෙන්නෙ දැනුමද?…සාමාන්‍ය දැනුමද…?…මොකක්ද?….මතක තියාගන්න, ඉස්සර එකේ හිටපු තරුණ කාන්තාවන්ගෙන් සමාජය බලාපොරොත්තු වුනේ පෘථුල යමක්…ඒ අයගෙන් ස්ත්‍රීත්වයේ ශෘංගාරය වගේම, රංගන කෞෂල්‍යය, භාවය, බුද්ධිය, වැනි බොහෝ දේවල් වල පොදු එකතුවක් ලෝකය බලාපොරොත්තු උනා….ඒ බලාපොරොත්තු ඉෂ්ඨ කරලා සාර්ථක වෙන්න නිළියකට, චරිතාංග නිරූපණ ශිල්පිනියකට විශාල පරාසයක දේවල් අවශ්‍ය උනා….අද සමාජය ඊට වඩා Specific …ඔවුන් කෙළින්ම තමන්ගේ කායික අවශ්‍යතාවය ප්‍රකාශයට පත් කිරීම සඳහා අවශ්‍ය විෂය වස්තුවට තමයි අවධානය යොමු කරන්නෙ….ඒ කියන්නෙ පුරුෂාර්ථයේ අවශ්‍යතා සඳහා කාන්තා ශරීරයෙන් ලබා ගත යුතු අවයව වලට තමයි කෙළින්ම අවධානය දෙන්නෙ…ඔවුන්ගේ අධිවේගී ජීවන රටා තුළ ශෘංගාරය කලාව හෝ සාහිත්‍යය සමග එකට අරගෙන විඳින්න ඔවුන්ට වෙලාවක් නෑ…ඒකනේ “චන්දන මල් අතුරා ඇති යහනට – කන්ද කපා පායන් රන් පුන් සඳ”  කියලා ආදරණීයව ඇරයුම් කරනවාට වඩා “නුඹ වැතිරීලා උඩුකුරුව සයනේ ඉන්ට සොඳා” කියන්නෙ…තව ඉස්සරහට සින්දු හැදෙයි “රෙද්ද උස්සපන්, රෙද්ද උස්සපන්…අහ..අහ…රෙද්ද උස්සපන්”  කියලා රැප් එකකුත් එක්ක…නැද්ද මං අහන්නෙ…?….

මේ වගේ සමාජයක නිළියකට ඒ ඉල්ලුමට සැපයුම දෙන්න වැඩි දෙයක් උවමනා නෑ….අර මූලික අවයව ටික විශාලව, වටකුරුව තිබීම පමණයි වාසනාව උදාකරගන්න අවශ්‍ය….මේ නිසා තමයි ඉතින් “නිකී මිනාජ්” අද ලෝකයේ වැඩිම රසිකයන් සහිත ෆේස්බුක් රසික පිටු වලට සහ වැඩිම දර්ශණයන් සහිත යූ ටියුබ් මියුසික් වීඩියෝ වලට උරුමකම් කියන්නෙ….නිකී මිනාජ්, කාඩේශියන් ඉඳලා ලංකාවේ නවක නිළි පරපුර දක්වාම කථාව මේකයි….ඒ ගොල්ලන්ට ජීවත් වෙන්න IQ, Intelligence වගේ දේවල් උවමනා වෙන්නෙ නෑ කියන එක ඔබ අවබෝධ කරගන්න ඕන….ගුද මාර්ගය අවට ප්‍රදේශය, උර කුහරයේ ක්ෂීර ග්‍රන්ථි තරඟකාරී විශාලත්වයකින් පිහිටා තිබීම හොඳටම ප්‍රමාණවත්…ඔවුන් කරන සහ දායක වන නිර්මාණයනගේ ගුණාත්මක භාවය කියන්නේ පසුබිමින් දිස්වන දිය සළකුණක් පමණයි….ඒක අදාළම නෑ….දැන් ඔය බටහිර ලෝකයේ “නිකි මිනාජ්, ජෙනිෆර් ලෝපෙස්” එහෙම “Ass, Ass, Booty, Booty, Bum, Bum” යන තේමාවන් සහිතව සින්දු හදාගෙන ඒවට මියුසික් වීඩියෝ කරන්නේ ඒකයි….කළාවෙන් හෝ සාහිත්‍යයෙන් තොරව අමු අමුවෙ අවයවය ඉල්ලනකොට, අවයවය දෙන්න තමයි ඒ අය සැදී පැහැදිලා ඉන්නෙ…

“සිද්ධිය” නිර්මාණය කිරීම 

ඉතින් මෙහෙම අය ගෙන්නගෙන ඔවුන්ගේ දැනුම මනින්නෙ මොන ලබ්බටද?….අනික මේ සිද්ධියට මූලික වෙච්ච මාධ්‍ය ජාලය නොදන්නවයැ තමන්ම හදපු මේ විපරීත සමාජයේ නියෝජිතයන්ගේ දිග ඵලල…?…උන් නෙ මේ අයට එන්න පාර කිව්වෙ….අම්මා දන්නවනේ දරුවගේ අඩුපාඩු ගැන, වෙන කවුරු නැතත්….ඉතින් එහෙමත් තියාගෙන මේ අය ගෙන්නගෙන ප්‍රශ්ණ අහන්නෙ ඇයි…?….ආන්න ඒක තමයි සිද්ධිය නිර්මාණය කිරීම කියලා කියන්නෙ….උන් සක් සුදක් සේ දන්නවා මේ වගේ එළ වැස්සියෙක් ගෙනල්ලා ඒකිගෙන් සාමාන්‍ය දැනුම ප්‍රශ්ණයක් ඇහුවත් අනිවා ඩෙෆා නාගන්නවා කියන එක….මොකද මේ කෙල්ලන් තමන්ගේ පැවැත්ම සම්පූර්ණයෙන්ම තම අඟපසඟ වලට ඌනනය කරගෙන නෙ ඉන්නෙ….එයින් බාහිර කිසිම දැනුමකට ඔවුන් අවධානය යොමු කරන්නෙ නෑ….මාධ්‍යයට උවමනා අන්න ඒකමයි…මොකද ඒකෙන් තමයි “සිද්ධිය” නිර්මාණය වෙන්නෙ…

දැන් ඔබට තේරෙනවද ඔබ විශාල ධනෝපායන මාර්ග ජාලයකට කිහිප ආකාරයකින් දායකයෙක් වෙලා කියලා?….

  1. ඔබ ඇය කොට ගවුමකින් සැරසී මුහුදු වෙරළේ ඉඳගෙන පෙන්වන දෙපා සහ වටොර බලලා ආශ්වාදයක් ගැනීමෙන් සහ ඇගේ බෝක්කුව පෙනේදැයි ඇසිපිය නොහෙළා බලා සිටීමෙන් එක් ආකාරයකින් මේ ධනෝපායන ජාලයට උදව් කරනවා…
  2. ඊට පස්සෙ ඇය දෙන මෝඩ උත්තර නිසා කෝපාවිෂ්ඨව ඒ ගැන වැඩි වැඩියෙන් තමන්ගේ මතය ප්‍රකාශ කිරීම මගින් මේ ධනෝපායන ජාලයටම උදව් කරනවා….
  3. ඊළඟට අන්තර්ජාලය සහ සමාජ වෙබ් අඩවි හරහා ඇයට වාචිකව පීඩා කිරීම මගින් මිශ්‍ර අසහනය මුදා හැර ආශ්වාදයක් ලැබීමට ගොස් මේ ධනෝපායන ජාලයටම තව විදියකින් උදව් කරනවා….
  4. දැන් තව ටික දවසකින් මේ කෙල්ල සමාජ වෙබ් අඩවියකදි ” අනේ මට සමාවෙන්න” කිව්වාම ඔබ “අන්නා…ස්වීට් නංගා බබා…වැරදීම් වෙනව තමයි පැට්ටෝ…ඔයා ඕවට නොසැලී ඉදිරියට යන්න” කියලා ඇයගේ හිස අත ගා ඈ හුරතල් කිරීමට යෑම මගින් මේ ධනෝපායන ජාලයටම තවත් විදියකින් උදව් කරනවා….

මේ එක් එක් අවස්ථාවේදි ඔබ දක්වන දායකත්වය වෙනුවෙන් ඔබට පිරිවැයක් දරන්න සිද්ද වෙනවා…ඒ තමයි විදුලි බිල්, අන්තර්ජාල පිවිසුම් ගාස්තු, දුරකථන ගාස්තු, කෙටි පණිවිඩ ගාස්තු සහ ඒ වගේ වැඩසටහන් ප්‍රචාරය වන අතරතුර වක්‍ර අළෙවිකරණය මගින් විකුණන දේවල් මිළට ගැනීමට යන වියදම….ඒ වගේම ඔබ අදාළ විෂය වස්තුවට ලබා දෙන ජනප්‍රියත්වය හරහා ඒ මාධ්‍ය ජාලයට එම වැඩසටහන සහ එම තරුණිය වෙනත් දිනෙක මීට වඩා වැඩි මුදළකට ව්‍යාපාරික ගැණුම් කරුවන්ට අළෙවි කිරීමට අවශ්‍ය කරන අස්පර්ශනීය වටිනාකම (Intangible Value) ඔබ විසින් සකසා දෙනවා…

මෙතනදි එකම විෂය වස්තුව, ඒ කියන්නෙ අර කෙල්ල, වටා දීර්ඝ Value Addition එකක් සහ Re-marketing Process එකක් ක්‍රියාත්මක වෙනවා….Re-marketing කිව්වාම ඔබට මතක් වෙන්නෙ විකුණගන්න අර එකම ලින්ක් එක නැවත නැවත ඔබට හමුවන්න අන්තර්ජාලයේ විවිධ තැන්වල ඇලවීම…ඔබ එකම අඩවියට විවිධ ලින්ක් හරහා යළි යළි පිවිසෙනවා….මේකත් ඒ වගෙයි…ඔබ එකම ලාභ ලැබීමේ ක්‍රියාදාමයට විවිධ තැන්වලින් යළි යළි දායකත්වය දක්වනවා….

දැන් අපි මෙතෙක් කියපු දේ සමාලෝචනය කරමු… මෙන්න මේකයි වෙන්නෙ…

1. වාණිජ මාධ්‍ය මගින් ඔබේ රසඥතාවය පහත හෙළා ඔබට කුණු මස් කෑමේ ආසාව ඇති කරනවා…ඒක කරන්නෙත් ඔබේ වියදමෙන්….

2. ඉන් පසුව ඔවුන් මස් පිණිස සතුන් ඇති කරනවා… ( අර ස්ටාර්, මේ ස්ටාර්, අරකි, මේකි, මූ ) .. ඒ සතුන්ව පෝෂණය කරන්න වියදම් කරන්නෙත් ඔබ…

3. එයිනුත් පසුව ඔවුන් ප්‍රසිද්ධියේ ඒ සතුන් මරා ඔබට මස් අළෙවි කරනවා…මස් වල අළෙවි මිළට අමතරව, සතා ඝාතනය කිරීමටත්, උගේ මස් කොක්කේ එල්ලීමටත් ඔවුන් ඔබෙන් මුදල් ගන්නවා…

4. අනතුරුව ඒ කුණු මස් කෑමෙන් ඔබට උදරාබාධයක් වැළඳී ඔබ කෑ මොර දෙනවිට, ඒ කෑ මොර දීමටත් ඔවුන් ඔබෙන් මුදලක් අය කරගන්නවා…

දැන් ඉතින් ඔබට තේරෙනවා ඇති නිදහස් දිනය නොදැන සිටීම ගැන ෂනුද්‍රිව උල තබන්නට උත්සාහ කිරීම සහ ෂනුද්‍රි නිදහස් දිනය නොදැන සිටීම යන මේ දෙකම එකම ක්‍රියාවලියේ කොටස් බව….

Josephine the Singer, or the Mouse Folk”

ෆ්‍රාන්ස් කෆ්කාගේ අවසන් කෙටි කථාව වන ” Josephine the Singer, or the Mouse Folk” යන නිර්මාණයේ එන යොසෆින්ට අවසන් වශයෙන් අවධානය යොමු කරමු….

අපි ඒක වඩා ඔබට සමීප විදියට කියමුකො “යොසෙෆින් සහ මීපුර වැසියෝ” කියලා…( කෆ්කා මේ අයට Mouse Folk කියන්නෙ ඇයි කියලා කවුරුත් දන්නෙ නෑ..)

මේ මී පුර වැසියන්ට ඉන්නවා යොසෙෆින් කියලා අපූරු ගායිකාවක්….ඇයට මහා ලොකු ගායන හැකියාවක් නෑ…ඒත් අතිශය දුෂ්කර, රළු පරළු ජීවිත ගෙවන මී පුර වැසියන්ට ඇය විරාමයක් සපයනවා…ඔවුන්ගෙන් සමහරු ඇයගේ ගායනය පිළිකුල් කරනවා….සමහරු ඇය අගය කරනවා….නමුත් ඔවුන් දෙපිරිසම ඇය ගායනය කරනවිට දැඩි අවධානයෙන් අහගෙන ඉන්නවා….ඔවුන්ගේ එදිනෙදා වැඩ කටයුතු කරන්නේ මේ ගායනය අහගෙන….ඒ නිසා ඔවුන්ගේ එදිනෙදා වැඩ කටයුතු කෙරෙන්නේ අවිඥාණිකව….සවිඥාණිකව කෙරෙන එකම වැඩේ ඇගේ ගායනය පමණයි….ඇය ගී ගයනකොට ඔවුනුත් එයට සමගාමීව ඒ ගීයම ගයනවා….එතනදි ඔවුන්ට වැටහීමක් නෑ ඔවුන්ගේ ගායනයත් ඇගේ ගායනයට නොදෙවනි බව….

නමුත් වඩාත්ම වැදගත් වෙන්නේ ඇය ගී ගයනකොට ඇය සිටින ජනපදය පුරා පැතිර යන අපූරු නිහඬතාවය….මේ නිහඬතාවය තුළ ඒ ජනපද වැසියන්ගේ ඔවුනොවුන් මොන තරම් වෙනස් කම් තිබුණත්, මොන තරම් ප්‍රශ්ණ තිබුණත් ඔවුන් සුළු මොහොතකට එකඟතාවයකට පත්වෙනවා…ඔවුන්ගේ දුෂ්කර ජීවිත ඇය නිර්වින්දනය කරනු ලබනවා….ඇය ජීවත් වන ජනපදය ඇයව ගායනයේ පරමෝත්තම චරිතය ලෙස දකිනවා…ඇගේ ගායනයක් නොඇසුවෝ නම් ඒ කන් වලින් වැඩක් නෑ කියලා කියනවා….ඇය ඒ ජනපදයේ ගායනයේ සළකුණ ලෙස අභිෂේක ගන්වනවා….ඒ කාලෙදි ඒ ජනපද වාසියෙකු ලෙස පෙනී ඉන්න කථා ආඛ්‍යායිකයා කියන්නෙ මෙහෙම….

“Josephine is the sole exception, she loves music and also knows how to give a voice to it… she is the only one, and with her demise music will disappear for who knows how long from our lives.”

කොටින්ම කිව්වොත් ඇය නැත්නම් ගායනයක්, සංගීතයක් නෑ කියන තැන තමයි මී පුර වැසියන් ඉන්නෙ….

මේ යොසෙෆින්ගේ ගායනය ක්‍රමානුකූලව ආඛ්‍යායිකයා විසින් නිරර්ථක, දුර්වල දෙයක් බව අපට ඒත්තු ගන්වනවා…කල් පවතින කිසිවක් එහේ නැහැ….එහෙත් යොසෙෆින් තමන් ගැන ඉන්නෙ අධි තක්සේරුවක….තමන් ශ්‍රේෂ්ඨ ගායිකාවක් බවත්, තමන් කලාවට දක්වන අනුග්‍රහය උත්කෘෂ්ඨ බවත් යොසෙෆින් කල්පනා කරනවා….

එක් දිනෙක යොසෙෆින් අතුරුදහන් වෙනවා….ඇය තම ගායනයට ජනතාවගෙන් ලැබෙන හරසර සහ ප්‍රතිචාර මදි යැයි කල්පනා කරලා එම සමාජයෙන් ඉවත්ව ගියා කියල තමයි හැඟවෙන්නෙ…..හරියට අපේ රටේ කලාකරුවන්, නළු නිළියන් ඔය හිටපු ගමන් නො-එන්නම රට යන්නෙ…අන්න ඒ වගේ….ජනතාව ඈ නොමැති වීම නිසා සුළු මොහොතකට දුක් වෙනවා….දුක්වෙලා ආයෙමත් සුපුරුදු පරිදි තමන්ගේ එදිනෙදා වැඩටික කරගෙන යනවා…ඇයව ලෙහෙසියෙන්ම අමතක කර දැමීමට ඔවුහු සමත්වෙනවා….

මගේ සටහන ඒ කෙටි කථාවේ  අවසානයට කෆ්කා විසින් තබන ලද සටහනකින්ම අවසන් කරන්නම්….

“…So perhaps we shall not miss so very much after all, while Josephine, for her part, delivered from earthly afflictions, which however to her mind are the privilege of chosen spirits, will happily lose herself in the countless throng of the heroes of our people, and soon, since we pursue no history, be accorded the heightened relief of being forgotten along with all her brethren…..”

එහෙමත් පුලුවන්ද?

නොදන්න මඟුල් කථා කරමු..

එහෙමත් පුලුවන්ද?

biverseblog

තේරුමක් නැති තහනම් වචන

AngieTrafford

The world of words

Violent metaphors

Thoughts from the intersection of science, pseudoscience, and conflict.

TED Blog

The TED Blog shares interesting news about TED, TED Talks video, the TED Prize and more.

Skeptical Software Tools

Applying the power of the programmable web to the purposes of skepticism.

History Tech

History, technology, and probably some other stuff

TechCrunch

Startup and Technology News

Tech

News and reviews from the world of gadgets, gear, apps and the web

තහනම් වචන

සිරගත කළ වචන වල සයිබර් අවකාශීය පලායාම Cyber exodus of censored utterances

TIME

Current & Breaking News | National & World Updates